Sommaruga, zgjidhet presidente e Federatës për vitin 2015

Me 181 vota pro, rezultati i saj është më i miri që deri më tash e ka arritur një kryetare (femër). Ajo e ka tejkaluar për 75 minumumin e nevojshëm për t`u zgjedhur

Me votimin  nga Parlamenti, ku ishin deputetët e të dy dhomave, ministrja e drejtësisë dhe e policisë, Simonetta Somaruga është zgjedhur kryetare e federatës së Zvicrës për vitin 2015. Me 181 vota pro të 210 votave të vlefshme të deputeteve të pranishëm, ajo ka arritur një rezultat shumë të mirë.  Madje, rezultati i Sommarugës është më i miri që deri më tash e ka arritur një kryetare (femër). Ajo e ka tejkaluar për 75 minumumin e nevojshëm për t`u zgjedhur.

Sommaruga në Këshillin Federal vjen nga Partia Socialdemokrate (SP/PS). Ajo është nga Kantoni i Bernës

Krahas kryetares, në të njëjtën seancë është zgjedhur edhe nënkryetari. Ai është ministri i ekonomisë, Jochan Schneider-Amann nga FDP/PLR. Për të kanë votuar 173 deputetë. Me këtë rezultat ai ka gjasa të mira që në vitin 2016 të zgjidhet president.

Si Sommaruga, ashtu edhe Ammann vijnë nga kantoni i Bernës, kështu që është hera e parë në historinë e zgjedhjes për këto dy poste që të dy të zgjedhurit të jenë të kantonit të njëjtë. Madje, deri në vitin 1999 një gjë e tillë as që ka qenë e mundur. Deri atëherë ishte në fuqi e ashtuquajtura “klauzola kantonale”.