Telefoni celular “Nokia” e mban baterinë një muaj

Nokia i ri 215 mban baterinë gati një muaj, duke i përfshirë edhe funksionet e internetit

Telefoni në fjalë është deri tani më i liri nga kompania Microsoft. 

Modeli me dy sim kartela mban baterinë në një afat deri në tri javë, modeli me vetëm një sim kartelë mban madje baterinë edhe deri në 29 ditë.

Megjithatë, i mungon një ekran i madh me prekje dhe funksionet e ndryshme. Telefoni ofron lidhjen në Internet. Për shembull, në Facebook dhe Twitter. 

Pajisja punon në një tastierë, siç e dimë nga e kaluara dhe ka një ekran 2.4 inç me 320 x 240 pixels. 

Nokia 215 do të jetë atraktive në vendet me fuqi të ulët blerëse. 

“Me telefonat celularë të lirë ne kemi mundësi për të lidhur në ardhmen një miliard njerëz për herë të parë në internet”, shkruan Jo Harlow, nënkryetar i korporatës Microsoft.

Nokia 215 në tremujorin e parë të 2015-ës do të dalë në treg për 29 dollarë në Afrikë, Azi dhe Evropë