Nga 21, Qeveria e re e Kosovës do të ketë vetëm 12 ministri

Duke qenë se Qeveria e kaluar kishte 21 ministri, një qëndrim krejt të kundërt ka partia fituese e zgjedhjeve të fundit, Vetëvendosje. Sipas tyre, vetëm 12 ministri do të ketë Qeveria e Kosovës, ky ishte zotimi i Lëvizjes Vetëvendosje dhe Lidhjes Demokratike të Kosovës gjatë fushatës zgjedhore.

Zotimi i dy partive (VV – LDK) para zgjedhjeve ishte zvoglimi i numrit të ministrive në Kosovë.

Lideri i Lëvizjes Vetëvendosje, Albin Kurti, ka thënë se ekipet e ekspertëve të Vetevendosjes dhe Lidhjes Demokratike do të punojnë për harmonizimin e programit në njërën anë dhem, në anën tjetër, për reduktimin e numrit të ministrive.

“U dakorduam që t’i zvogëlojmë ministritë nga 21 sa kanë qenë në keqqeverisjen e kaluar, t’i sjellim diku në 12. Por, edhe të mos jenë më shumë se një e treta e zëvendësministrave nga keqqeverisja e kaluar dyvjeçare, të mos jenë rreth 80 prej tyre, por një e treta e asaj çfarë kishim. Gjithashtu u dakorduam që 30 për qind edhe të ministrave dhe të zëvendsministrave të jenë gra në kuadër të përpjekjeve tona për barazi gjinore”, shprehet Kurti, përcjell albinfo.ch.