Kemal Ademi refuzon Shqipërinë, por jo Kosovën

Janë tri oferta për të shkuar te Gjermania, Kosova apo Zvicra!

Një ndër futbollistët me në formë nga Kosova në Evropë është edhe Kemal Ademi, i cili po shkëlqen me skuadrën e Baselit në Zvicër. Në ditët e fundit është raportuar në media se sulmuesi Ademi e ka refuzuar Kosovën, me pretekstin se është duke e pritur një ftesë nga Përfaqësuesja e Zvicrës.

Sulmuesi në një intervistë për “BZ Basel” e ka përjashtuar mundësinë për të luajtur për Shqipërinë, por jo edhe për Kosovën.

“Janë tri mundësi për të shkuar te Gjermania, Kosova apo Zvicra. Menaxheri im është në kontakt me to. Por unë nuk kam asnjë stres dhe jam i përqendruar te Bazeli. Do të vijë gjithçka me kohën”, ka thënë Ademi, përcjell albinfo.ch.

---