Trajneri i njohur evropian përkrah Xhakën

Mesfushorit shqiptar i dal në mbrojtje trajneri i njohur për situatën e krijuar në Arsenal

Granit Xhaka vazhdon të jetë në qendër të vëmendjes për shkak të gjestit të dielën e kaluar.

Shumë emra të njohur të futbollit kanë folur për këtë rast, derisa i fundit që ka komentuar është trajneri i Manchester Cityt, Pep Guardiola.

“Nuk është e lehtë për futbollistët ndonjëherë, për të gjithë ne. E kuptoj Xhakën. Emocionet në ato momente janë të mëdha, nuk e di se çfarë mund të ziente përbrenda”, thotë Guardiola, përcjell albinfo.ch.

“Ndoshta nuk jam njeriu i duhur të them diçka të tillë, pas ndonjëherë përfshihem dhe unë nga emocionet dhe nuk mund të kontrolloj veten, por duhet të përpiqemi”, shtoi tutje ish-trajneri i Barcelonës dhe Bayern Munichut.

“Ai është kapiten, pasi ka diçka speciale në dhomat e zhveshjes. Ndodh që të humbasësh kontrollin, por duhet të falet, të ecin përpara dhe shpresoj që në të ardhmen tifozët ta falin Xhakën, të rikthehet dhe të tregojë se sa lojtar fantastik është”, deklaroi ndër të tjera spanjolli.

---