Futboll
Turneu i futbollit dhe humanitar për Festën e Bajramit në Zvicër
Turneu do të mbahet më 31 maj 2026 dhe pritet të mbledhë deri në 16 ekipe pjesëmarrëse, duke e bërë atë një ngjarje sportive me interes të madh për komunitetin
Me rastin e festës së Kurban Bajramit, komuniteti i bashkatdhetarëve në Zvicër organizon një turne futbolli me karakter humanitar, duke synuar të ndërthurë sportin me solidaritetin dhe ndihmën për ata që kanë më shumë nevojë.
Ky aktivitet po realizohet me iniciativën e rinisë së fshatit dhe me përkrahjen e shoqatës “17 Shkurti”, ndërsa një rol të rëndësishëm në organizim ka edhe klubi futbollistik KF Studenti, i cili do të marrë pjesë në turne edhe me ekipin e tij, transmeton albinfo.ch.
Turneu do të mbahet më 31 maj 2026 dhe pritet të mbledhë deri në 16 ekipe pjesëmarrëse, duke e bërë atë një ngjarje sportive me interes të madh për komunitetin. Organizatorët bëjnë të ditur se numri i ekipeve është i kufizuar dhe afati i fundit për regjistrim është 17 maji.
Përveç aspektit sportiv, turniri ka edhe një dimension të rëndësishëm humanitar. Një pjesë e të ardhurave të grumbulluara do të shkojë në mbështetje të klubit organizator, ndërsa pjesa tjetër do të dedikohet për familjet në nevojë në vendlindje.
Pagesa për pjesëmarrje është 350 franga për ekip, ku përfshihen edhe 7 kupona për secilin lojtar, që mbulojnë ushqim dhe pije gjatë aktivitetit.
Ngjarja do të hapet në mënyrë simbolike me ndeshje të ekipeve të fëmijëve, duke krijuar një atmosferë festive dhe familjare, përpara se të vazhdohet me përballjet e ekipeve pjesëmarrëse.
Organizatorët ftojnë të gjithë bashkatdhetarët dhe dashamirët e sportit që të bëhen pjesë e këtij aktiviteti, duke përfshi edhe kontribuues që kanë dëshirë të marrin pjesë në sponsorizimin e këtij eventi, i cili premton emocione sportive, argëtim dhe mbi të gjitha një kontribut të vlefshëm për kauza humanitare.
Për informacione shtesë dhe regjistrim, të interesuarit mund të kontaktojnë në numrin +41 76 377 94 05 ose përmes emailit: [email protected], si dhe në linkun e dedikuar për paraqitjen e ekipeve.
Linku: https://bit.ly/4e81Onp
E-Diaspora
-
“Ta thyejmë heshtjen” – në Gjenevë mbahet një mbrëmje diskutimi për dhunën në familje Në Gjenevë, më 6 maj 2026, organizohet një mbrëmje diskutimi që i kushtohet trajtimit të dhunës... -
ADN-ja shqiptare në mërgatë: një festë identiteti, kujtese dhe përgjegjësie kombëtare -
Të rinjtë shqiptarë nga Gjeneva, Prizreni dhe Kruja sjellin traditën në një skenë të përbashkët -
Cyrih: Promovohet libri “Arti konceptual në Kosovë, 2000 – 2025” -
SH.K.A “Dardania” në zemër të festivalit ndërkulturor në Winterthur
Jeta në Zvicër
-
Të rinjtë shqiptarë nga Gjeneva, Prizreni dhe Kruja sjellin traditën në një skenë të përbashkët Një mbrëmje kulturore në Gjenevë që bashkon tre grupe të reja në interpretimin e valleve tradicionale... -
Cyrih: Promovohet libri “Arti konceptual në Kosovë, 2000 – 2025” -
A është në planet e FC Basel largimi i Xherdan Shaqirit? -
Thun
Shoqata “Atdheu” prezantohet me valle kombëtare shqiptare në Thun -
Kolona të gjata në Gotthard për ditën e ngjitjes, SBB shton trena shtesë













