Dënim shembull për futbollistin që rrëzoi trajnerin në Gjermani

Ai ka marrë një dënim shembull për gjestin e pahijshëm në fundjavë

Gjatë fundjavës së fundit në kampionatin gjerman bëri bujë momenti kur kapiteni i Eintracht Frankfurtit, David Abraham, rrëzoi për tokë trajnerin e Freiburg, Christian Streich.

Po zhvillohej minuta e 90-të dhe Freiburg ishte duke fituar minimalisht ndaj Eintracht Frankfurtit dhe topi del në rivënie anësore, ndërsa shkon për të marrë topin kapiteni Abraham shtyn me qëllim në tokë trajnerin Streich që përfundon i shtrirë në tokë.

Kaq ka mjaftuar që lojtarët e të dyja skuadrave të përfshihen në një përleshje mes tyre.

Disiplina në Gjermani e ka dënuar me shtatë javë Davide Abraham për gjestin e tij ndaj trajnerit të Amir Abrashit dhe një gjobë prej 25 mijë eurosh, përcjell albinfo.ch.

Mesfushori i Kombëtares shqiptare nuk ishte i pranishëm në këtë ndeshje për shkak të dëmtimit dhe për këtë arsye humbi dhe dy ndeshjet ndaj Andorrës dhe Francës.

https://www.youtube.com/watch?v=Fsh3uWWSlzI&feature=emb_title

---