VV dhe LDK të hënën e përmbyllin marrëveshjen

Në takimin që u mbajt mes Isa Mustafa dhe Albin Kurtit është përmbyllur 100 për qind harmonizimi i programit qeverisës, duke u pajtuar për të gjitha çështjet e hapura.

Kryetarët e LDK-së dhe VV-së u takuan sot në orën 13:00 në Kuvendin e Kosovës.

Sipas njoftimi të VV-së, përfundimisht të hënën do të përmbyllet marrëveshja për koalicion mes këtyre dy subjekteve politike.

Ja njoftimi i plotë:

Sot në orën 13:00, në Kuvendin e Kosovës u takuan kryetari i Lëvizjes VETËVENDOSJE, Albin Kurti dhe kryetari i LDK-së, Isa Mustafa.

Në këtë takim u përmbyll 100% harmonizimi i programit qeverisës, duke u pajtuar për të gjitha çështjet e hapura.

Nga dy modalitetet e ndryshme për kabinetin qeverisës me 12 ministri, që i kishin ofruar ekipet punuese të dy subjekteve tona, Kurti dhe Mustafa u përcaktuan për verzionin e parë.

Në vijim do të përzgjedhen përgjegjësitë në qeverisjen e përbashkët, për çfarë u sqaruan pozicionet dhe kërkesat. Pra, u hap tema dhe u saktësua principi i zgjidhjes, e që përfundimisht do të përmbyllet të hënën me marrëveshje.