Shkurt.ch
Dhjetori do të sjellë shumë ndryshime në Zvicër
Shumë ndryshime janë vendosur të ndodhin në Zvicër në muajin dhjetor
Gazeta zvicerane ‘The Local ch’ ka përgatitur një artikull që u kushtohet ndryshimeve më domethënëse që do të ndodhin në Zvicër në muajin dhjetor.
Ja një vështrim mbi të gjitha ndryshimet e rëndësishme në Zvicër në dhjetor.
Deputetët do të zgjedhin Qeverinë e re (Këshillin Federal) më 11 dhjetor
Kabineti ekzekutiv i Zvicrës (Qeveria) përbëhet nga shtatë anëtarë që përfaqësojnë partitë më të mëdha të vendit. Secili anëtar drejton një departament qeveritar.
Në zgjedhjet parlamentare të tetorit, partia e Gjelbër ka marrë 13 për qind të votave. Tani po lufton për një vend në Këshillin Federal, duke synuar zëvendësimin e njërit përfaqësues të Partisë Socialdemokrate ose të Partisë Liberale (FDP). Këto dy parti kanë nga dy përfaqësues në Këshillin Federal, ashtu sikurse edhe SVP. Ndërsa CVP ka një përfaqësues.
Sidoqoftë, kabineti i ri do të jetë në fuqi deri në zgjedhjet e ardhshme kombëtare në 2023.
Ligjet e sigurisë së armëve
Zvicra ka traditën më të theksuar të mbajtjes së armëve në Evropë dhe mbase në këtë drejtim është më e fuqishmja në botë pas Shteteve të Bashkuara.
Vendi ende rregullon me forcë mënyrën në të cilën qytetarët duhet të ruajnë, përdorin dhe marrin armët e tyre.
Një gamë e ligjeve të reja për armë – duke përfshirë një tarifë të lartë për armët gjysmë automatike – u prezantua në gusht 2019, ndërsa nga dhjetori e tutje shitësit e armëve do të kërkohet të plotësojnë një standard më të lartë kur shesin mallrat e tyre.
Nga 14 Dhjetori 2019, tregtarët e armëve do të detyrohen të njoftojnë autoritetet përkatëse kantonale për çdo prokurim, shitje ose shpërndarje të armëve të zjarrit në të cilat bëjnë.
Lidhja e trenit ekspress në rajonin e Gjenevës
Leman Express është vendosur të hapet në rajonin e Gjenevës në mes të dhjetorit.
Lidhja e trenit ekspres – i cili është vendosur të jetë rrjeti më i madh ndërkufitar i trenave në Evropë – do të zvogëlojë kohën e udhëtimit dhe do të ulë trafikun brenda dhe përreth Gjenevës.
Hapja e saj do të bëhet më 15 dhjetor. Kjo lidhje do të përfshijë 45 stacione dhe 230 kilometra rrugëkalim – që shtrihet përtej kufijve të kantonit të Gjenevës, në Vaud, si dhe në Francë.
Sipas SBB, rrjeti do të përfshijë 40 trena të rinj dhe do të transportojë më shumë se 500.000 njerëz në ditë.
Trenat ndërkombëtarë
Trenat e drejtpërdrejtë nga Parisi në Bernë, së bashku me një numër shërbimesh të tjera do të zhvendosen në orarin e tyre dimëror
I ftohti i ardhshëm do të thotë se më në fund ka ardhur koha për sportet e dimrit. Nëse po planifikoni të vizitoni shpatet, SBB ka vendosur një sërë ndryshimesh në rrjetet e trenave të saj që do të vijnë në vend në 21 dhjetor, transmeton albinfo.ch.
Të ngjashme
Të tjera nga Shkurt.ch
E-Diaspora
-
Filmi “The Land within”, lufta në Kosovë, e vështruar nga një kënd tjetër Në "Kino Kosova" është shfaqur edhe filmi "The Land within", i regjisorit shqiptaro-zviceran Fisnik Maxville (Maxhuni),...
-
Robin Krasniqi fiton me pikë ndaj portugezit Jorge Silva
-
Sot shfaqet në Cyrih filmi “The Land within”, i regjisorit Fisnik Maxville
-
Edi Rama e konfirmon: Më 12 maj jam në Athinë, nisim rrugëtimin e pranverës në diasporë
-
Kalabri - Itali
Gennaro Gattuso flet për rrënjët e tij në Kalabri
Jeta në Zvicër
-
Filmi “The Land within”, lufta në Kosovë, e vështruar nga një kënd tjetër Në "Kino Kosova" është shfaqur edhe filmi "The Land within", i regjisorit shqiptaro-zviceran Fisnik Maxville (Maxhuni),...
-
Qindra studentë protestuan para Universitetit të Lozanës
-
Fëmijët të mbahen larg celularëve
-
Sot zviceranët votojnë për ligjin e ri të biçikletave dhe kredinë për shkollën profesionale
-
Rritje 293 për qind e studentëve të huaj në Universitetin e Cyrihut