E-Diaspora
Doli numri më i ri i magazinës albinfo.ch
Numri më i ri i magazinës albinfo.ch që sapo doli nga shtypi merret me sigurimin e makinave në Zvicër. Në fokus të dosjes tematike të këtij numri është pyetja: A janë shqiptarët të diskriminuar nga kompanitë e këtushme kur sigurojnë makinat e tyre apo nuk janë? Kjo pyetje mbështetet në pohimet e shumë bashkatdhetarëve tanë, por dhe në konstatimet e mediave zvicerane, sipas të cilave shqiptarët rezultojnë më të diskriminuarit në këtë pikë.
Për të qenë sa më afër një përgjigjeje reale lidhur me këtë çështje, albinfo.ch ka realizuar një hulumtim të gjerë e të shumanshëm të temës. Janë marrë qëndrimet e palëve relevante në këtë kontekst, si: Federata e Kompanive të Sigurimit të Zvicrës SVA, nga njëra anë, dhe Fondacioni për Mbrojtjen e Konsumatorit, në anën tjetër, ekspertë të fushës së sigurimeve, zviceranë e shqiptarë dhe kompani sigurimi të veçanta zvicerane ose të drejtuara nga shqiptarë të Zvicrës. Ky synim ambicioz është kurorëzuar me dosjen mjaft voluminoze që magazina juaj albinfo.ch jua shpalos në numrin që keni në dorë.
Përveç dosjes tematike, ky numër i magazinës albinfo.ch sjell edhe tema të tjera nga përditshmëria në diasporë, nga kultura, përfshirë dhe intervista me krijues, me sportistë, portrete interesante bashkatdhetarësh, prezantime biznesesh të suksesshme në diasporë etj.
Magazina albinfo.ch si zakonisht, mund të gjendet gratis në të gjitha ambientet që frekuentohen nga shqiptarët në Zvicër.
Të ngjashme
Të tjera nga E-Diaspora
E-Diaspora
-
Nju-Jork: Baleti Kombëtar i Kosovës me dy shfaqje Bëhet e ditur se Baleti Kombëtar i Kosovës, do të realizojë edhe një paraqitje tjetër të...
-
Belgjikë: Kori “Siparantum” do të dhuroj paraqitje dinjitoze
-
Çikago: Pianistja Anila Aliu, me koncert recital
-
Sopranoja Elbenita Kajtazi ndan bursa vjetore për studentët shqiptarë të muzikës
-
BQK: Mbi 112 milionë euro i sollën mërgimtarët në Kosovë vetëm gjatë marsit
Jeta në Zvicër
-
Komiteti parlamentar zviceran kërkon 15 milionë CHF për Kampionatin Evropian të Futbollit për Femra 2025 Një komitet i Dhomës së Përfaqësuesve të Zvicrës ka votuar në favor të një propozimi për...
-
Presidenti i SNB-së paralajmëron për goditje të mundshme inflacioni në Zvicër
-
Gjashtë gjëra që duhet të dini për pagat në Zvicër
-
SNB, 58.8 miliardë fitim neto në tremujorin e parë
-
Konsumatorët zviceranë kanë më shumë para, por më pak fuqi blerëse