Tottenhami, i gatshëm për Muriqin, pëlqehet nga Mourinho

Klubi anglez, Tottenham Hotspur, thuhet se ka rritur interesimin për sulmuesin shqiptar të Fenerbahces, Vedat Muriqi

Është bërë e ditur se klubi anglez, Tottenham Hotspur, ka rritur interesimin për nënshkrimin e kontratës me sulmuesin shqiptar të Fenerbahces, Vedat Muriqi.

Meqenënse sulmuesi i përfaqësueses së Kosovës po përjeton formë mbresëlënëse, duke shënuar 10 gola në 14 ndeshje për Fenerbahcen këtë sezon, ai po kërkohet nga shumë klube evropiane të njohura.

Duket se forma e tij e mirë ka bërë që ylli i Kosovës të dëshirohet shumë nga menaxheri i ri i Spurs, Jose Mourinho.

Sipas mediumit turk Milliyet, klubi londinez e ka vëzhguar nga afër 25-vjeçarin disa herë këtë sezon.

Ai gjithashtu ka tetë gola në 23 ndeshje për përfaqësuesen e Kosovës, përfshirë edhe golin e shënuar në humbjen 5-3 kundër Anglisë.

Duket theksuar se Muriqi kërkohet gjithashtu edhe nga klube të tjera angleze, si Manchester United, Leicester City dhe Bournemouthi.

Feneri thuhet se është i gatshëm të lejojë largimin e Muriqin, por do të dëshironte afro 18 milionë funte apo rreth 22 milionë euro për sulmuesin, përcjell albinfo.ch.

---