“Honda” feston prodhimin e motorit të 400-miliontë

Kompania japoneze aktualisht prodhon një gamë të gjerë të motoçikletave dhe skuterëve

70 vjet pas modelit D-Type të parë të prodhuar më 1949, kompania Honda festoi prodhimin e 400 milionë motorëve në gjithë botën.

Kompania ”Honda” u themelua në vitin 1948 dhe prodhimi masiv i motoçikletave jashtë Japonisë u inaugurua për herë të parë në Belgjikë në vitin 1963.

Që atëherë, ”Honda” ka zgjeruar në mënyrë të vazhdueshme prodhimin dhe numrin e lehtësive të prodhimit gjatë gjithë historisë së saj me 35 fabrika në 25 vende të ndryshme, duke përfshirë Europën, Azinë, Afrikën, Amerikën e Veriut dhe Amerikën e Jugut.

Kompania japoneze aktualisht prodhon një gamë të gjerë të motoçikletave dhe skuterëve.

Që nga themelimi i saj, ”Honda” ka prodhuar dhe zhvilluar motoçikleta bazuar në kërkesat e tregut dhe duke respektuar parimin se “qëllimi përfundimtar i teknologjisë është të ndihmojë njerëzit”.

Kompania arriti në prodhimin e 100 milionë njësive në vitin 1997, 300 milionë njësive në 2014 dhe 400 milionë në 2019.

Në vitin 2018 ”Honda” arriti, për herë të parë në historinë e saj, prodhimin e 20 milionë automjeteve në vit, duke garantuar vazhdimisht ndihmë dhe mbështetje maksimale për të gjithë klientët e saj në gjithë botën.

---