Jo vetëm Xhaka, por edhe Mustafi pritet të largohet nga Arsenali në janar

Arsenali, me gjendje jo të mirë me lojtarët shqiptarë

Është bërë e ditur se Shkodran Mustafi do të bisedojë me kryetrajnerin e Arsenalit, Mikel Arteta, për një largim potencial në afatin kalimtar të janarit, raporton “The Sun” të dielën, transmeton albinfo.ch.

Sipas kësaj gazete, thuhet se ish-reprezentuesi i Gjermanisë ka humbur vendin në skuadrën e Arsenalit.

Mustafit 27-vjeçar më herët i ishte thënë se është i lirë të largohet, mirëpo lëndimi që ka pësuar Callum Chambers nënkupton se ai mund të detyrohet të qëndrojë.

Po ashtu duhet theksuar se Mustafi u aktivizua në ndeshjen ndaj Chelseat, ku u lëndua Chambersi dhe u kritikua ashpër për rolin e tij në golin e fitores të Chelseat të shënuar nga Tammy Abraham.

The Sun shkruan se Mustafi dhe agjenti i tij duan të qartësojnë të ardhmen deri në fund të këtij stinori, para se të kërkojnë skuadër të re. Mustafi ka kontratë deri në verën e vitit 2021. /Albinfo.ch.

---