De Biasi tregon ‘çelësin e suksesit’ të Rrahmanit dhe Kumbullës

Dy futbollistët shqiptarë janë ndër më të kërkuarit në Itali

Amir Rrahmani dhe Marash Kumbulla kanë shkëlqyer në këtë edicion në Kampionatin italian të futbollin, përcjell albinfo.ch.

Paraqitjet që po bëjnë dyshja shqiptare me Veronën, kanë bindur shumë klube në Itali dhe kanë nisur bisedimet për t’i afruar në afatin e verës.

Rrahmani po kërkohet me ngulm nga Napoli, derisa Kumbulla nga Interi.

Një vlerësim për dy futbollistët ka pasur edhe ish-trajneri i Kombëtares shqiptare, Gianni de Biasi.

“Rrahmani është një lojtar që ka treguar se nuk e vuan vështirësinë e Serisë A. Ka shumë personalitet, me shumë teknikë, është i talentuar. Edhe Kumbulla ka personalitet. Shumë agresiv dhe i matur në lëvizjet që bën. Një lojtar i mirë në luftën në ajër dhe mendoj se ka një të ardhme të ndritur”, theksoi De Biasi.

---