Shaqiri tregon kur do të kthehet nga lëndimi

Ylli shqiptar nuk ishte as në bankën rezervë ndaj Manchester United

Xherdan Shaqiri nuk ka pasur fat me lëndime në këtë edicion. Ai mungoi në shumë ndeshje, pikërisht për shkak të lëndimeve të shumta, që është përballur.

Shaqiri nuk ishte as në bankën rezervë ndaj United-it, në fitoren e skuadrës së Liverpoolit prej 2:0, përcjell albinfo.ch.

Anësori shqiptar u shpreh se ka pasur një lëndim të vogël dhe beson që do të rikthehet në fundjavë.

Lëndimet e munduan atë që nga fillimi i përgatitjeve. “Nuk kam pasur shumë ritëm duke luajtur. Më ka munguar edhe para-sezoni dhe ka pasur arsye të ndryshme pse kam pasur disa lëndime”, shtoi tutje futbollisti shqiptar.

Ai deklaroi në fund se shpreson që të kthehet sa më shpejt të ndihmojë skuadrën e tij të fitojë trofe.

---