Lajme
Garching: Hapet klasa me mësim plotësues në gjuhën shqipe
Në Garching, afër Munihut, hapet klasë në gjuhën shqipe
Më 1 shkurt 2020 në Garching, qytet e landit të Bavarisë, u hap shkolla shqipe me mësim plotësues, në prani të kryetarit të LAPSH-it në Bavari, z. Milazim Ukaj, sekretarit Avdi Kolukaj, mësueses zonja Valentina Coli, të Këshillit të Prindërve: Bashkim Halilaj, Miftar Krasniqi, Driton Basha, Shqipe Basha dhe në prani të mysafirëve e prindërve të nxënësve.
Ceremoninë e hapjes së shkollës shqipe në këtë qytet e bëri zonja Shqipe Basha, kurse fjalën e mori z. Bashkim Halilit, i cili i përshëndeti të pranishmit, kryetarin Milazim Ukaj, sekretarin Avdi Kolukaj dhe mësuesen Valentina Coli, ku ndër të tjera tha: “Është një kënaqësi e madhe që fëmijët tanë, tash e tutje, do ta ndjekin mësimin plotësues në gjuhës shqipe në Garching, të cilët do të mësojnë për identitetin, vlerën kombëtare dhe atdheun e tyre”!
Më këtë hapje solemne të klasës me mësim plotësues në gjuhën shqipe në Garching, jo vetëm që po shtoni seriozitet dhe vetëdije të lartë te bashkëkombësi ynë, po njëkohësisht po jepni porosi të qartë tek të gjithë bashkëkombësit mërgimtar, që fëmijët e tyre t’i dërgojnë në shkollën shqipe. Andaj më lejoni ta falënderoj Këshillin e Prindërve dhe t’i inkurajoj për angazhimin dhe vullnetin e tyre të përkushtueshëm, për këtë kauzë të shenjte e të veçantë për komunitetin e mërgatës sonë shqiptare, gjuhën shqipe! Po ashtu dëshiroj që edhe qytetet e tjera ta ndjekin shembullin tuaj, sa humane, aq edhe kombëtare, tha Ukaj!
Të pranishmit i falënderon edhe mësuesja Valentina Coli, e cila u zotua se do të jetë e përgjegjshme në detyrën e shenjtë që iu besua dhe ndershmërisht do të punojë me nxënës, ku do t’i nxisë për ta ruajtur gjuhën shqipe dhe përmes saj kulturën, identitetin shqiptar. Ndërsa sekretari i LAPSH-it, Avdi Kolukaj, e falënderoi Këshillin e Prindërve për punën e palodhshme të tyre dhe nxënësve u dëshiroj një fillim të mbarë shkollor!
Në emër të LAPSH-it, kryetari Ukaj dhe sekretari Kolukaj, nxënësve të cilët për herë të parë do të vijojnë mësimin plotësues në gjuhën shqipe u ndau abetare dhe u premtuan se do t’i kenë dhuratë për mësimnxënie librat e dërguara nga Ministria e Diasporës dhe Investimeve Strategjike të Republikës së Kosovës.
Të ngjashme
Të tjera nga Lajme
E-Diaspora
-
Gjuha shqipe forcon integrimin Në kontekstin e diasporës shqiptare në Zvicër dhe më gjerë, gjuha shqipe ka një rëndësi në...
-
Flisni shqip në Zvicër!
-
RTS: “Toka Brenda Meje” e Fisnik Maxville-it trajton traumën e Kosovës
-
Filmi “The Land within”, lufta në Kosovë, e vështruar nga një kënd tjetër
-
Robin Krasniqi fiton me pikë ndaj portugezit Jorge Silva
Jeta në Zvicër
-
Neuchâtel: Një algjerian 29-vjeçar u gjet pa shenja jete, në qeli La Chaux-de-Fonds, Neuchâtel: Trupi i tij i pajetë u gjet nga rojat e burgut rreth orës...
-
Kantonet zvicerane me plane për të punësuar më shumë mësues të huaj
-
Bernë: Merret vendimi për gruan e cila vrau kryetarin e bashkisë së Lauterbrunnen pasi e goditi 58 herë me thikë
-
Pse Zvicra subvencionon tarifat vetëm për disa studentë të huaj?
-
Prodhuesi zviceran i thikave të ushtrisë në përpjekje për të përmbushur kufizimet globale të tehut