Merkel: “Sfida më e madhe pas Luftës së Dytë Botërore”

Kancelarja e Gjermanisë, Angela Merkel, iu drejtua popullit me apelin që të respektojnë masat për parandalimin e përhapjes së epidemisë.

Në një fjalim televiziv drejtuar kombit, kancelarja Angela Merkel u drejton apel të fuqishëm qytetarëve të Gjermanisë që të evitojnë kontaktet sociale, për të kufizuar epideminë e virusit Corona.

Kancelarja Merkel iu drejtua qytetareve dhe qytetarëve të Gjermanisë me apelin të respektojnë masat për parandalimin e përhapjes së epidemisë.

Merkel e quajti luftimin e virusit të ri Corona si një detyrë me përmasa historike. Ajo i bëri thirrje arsyes së qytetarëve që të jenë të disiplinuar. Gjendja është serioze, tha Merkel. Ajo tha se e di sa e vështirë është të mbyllësh hapësirat e aktiviteteve, shkollat, kopshtet e fëmijëve dhe sheshet e lojërave.

„Janë kufizime, si nuk ka pasur asnjëherë tjetër në Republikën Federale”. Megjithatë duhet të ndiqen rregulloret, theksoi Merkel. “Ju bëj thirrje juve: përmbajuni rregullave, që do të jenë në fuqi së shpejti. Ne si qeveri vazhdimisht do të shqyrtojmë se çfarë mund të korrigjohet sërish, por edhe se çfarë është e nevojshme”. Që pas Luftës së Dytë Botërore nuk ka pasur ndonjë sfidë të ngjashme.

 

 

---