Google shtyn lansimin e sistemit Android 11

Foto ilustrim: Paweł Czerwiński

Google e ka shtyrë datën e lansimit të versionit më të ri të sistemit operativ, Android, që ishte planifikuar të prezantohej më datën 3 qershor.

Përmes një deklarate në faqen zyrtare të Zhvilluesit të Androidit është thënë: ”Tani nuk është koha për të festuar” dhe se detaje tjera do të bëhen publike “shpejt”.

Ky njoftim vjen pasi dhjetëra qytete në Shtetet e Bashkuara përballen me protesta të mëdha për shkak të vdekjes së një personi me ngjyrë gjatë arrestimit nga zyrtarë policorë.

Google megjithatë, nuk ka specifikuar nëse kjo ka qenë arsyeja e shtyrjes së lansimit.

Kjo kompani ka bërë të ditura disa hollësi të tipit 11 të sistemit Android, përmes një blogu, teksa ka shënjestruar zhvilluesit e aplikacioneve,

“Për zhvilluesit e aplikacioneve, Android 11 vjen me një ton të mundësive për aplikacionet e juaja, sikurse pajisje shtesë, 5G, kapacitete të reja për mediat e reja dhe kamera dhe shumë më shumë”, është thënë në njoftim, përcjell Albinfo.ch