Lajme
25 vjetori i Masakrës së Srebrenicës, “Nuk mundem t’ua fal” – nëna kërkon përgjigje
Ramiza Gurdiq humbi burrin e saj dhe dy djemtë në masakrën e vitit 1995 dhe ka kaluar një çerek shekulli duke kërkuar për eshtrat e tyre dhe duke kërkuar përgjigje
Me 11 korrik Bosnja shënon përvjetorin e 25-të të masakrës së Srebrenicës, e konsideruar si më e madhja në Evropë pas Luftës së Dytë Botërore. Të paktën 8.000 burra dhe djem myslimanë në zonën lindore boshnjake, humbën jetën pas bombardimit nga trupat serbe të udhëhequra nga komandanti Ratko Mladiç, ndërkohë që Srebrenica ishte shpallur “strehë e sigurt” e Kombeve të Bashkuara.
Lufta në Bosnjë filloi në prillin e vitit 1992, ndërsa në fillim të 1993, serbët nisën sulmin ndaj zonave me shumicë myslimane. OKB arriti të ndalonte këto sulme për një kohë të shkurtër, por presidenti i atëhershëm Radovan Karaxhiç urdhëroi që Srebrenica të bllokohej dhe asnjë ndihmë të mos hynte në qytet. Përmes një urdhri të lëshuar më 9 korrik 1995 për pushtimin e Srebrenicës, trupat serbe bombarduan qytetin.
Rreth 15.000 burra dhe djem arritën t’i shpëtonin masakrës duke u arratisur përmes pyllit, por shumë të tjerë mbetën të vrarë nga ushtria serbe që i priste të maskuar si ushtarë të OKB-së. 25 vite pas vrasjeve, identifikimi i viktimave është vështirësuar, edhe pse ende zbulohen varre masive.
Drejtuesit serbë të kohës së luftës, Radovan Karaxhiç dhe Ratko Mladiç u paditën në 1995. Në 2016, Karaxhiç u dënua për gjenocid nga Gjykata Ndërkombëtare e Hagës dhe u shpall fajtor për krime lufte dhe krime kundër njerëzimit.
Çdo vit, më 11 korrik, viktimat e gjetura rishtazi varrosen në një ceremoni në qendrën përkujtimore të Potocari.
Ramiza Gurdiq humbi burrin e saj dhe dy djemtë në masakrën e vitit 1995 dhe ka kaluar një çerek shekulli duke kërkuar për eshtrat e tyre dhe duke kërkuar përgjigje.
Shikoni videon në linkun më poshtë:
https://l.facebook.com/l.php?u=https%3A%2F%2Fwww.evropaelire.org%2Fa%2F30720503.html%3Ffbclid%3DIwAR1AD2VaQN1tQCmLLRavx1yCjq67YMTpSLDdaLxWYRRstIqUnttSmrUIDLg&h=AT31E7C-41IxkbQJnIdgMC5gcMhgugpNGQK5EweJqo5tM9CQizDMsqTNgHMHGv1CBqEWjLU7rwfQ7sgclah6a3c5hxzor04KHArmj7Kcdi22Dhs8zkHkTwM0ptYE4MubcgRFbQ
E-Diaspora
-
Gjuha shqipe forcon integrimin Në kontekstin e diasporës shqiptare në Zvicër dhe më gjerë, gjuha shqipe ka një rëndësi në...
-
Flisni shqip në Zvicër!
-
RTS: “Toka Brenda Meje” e Fisnik Maxville-it trajton traumën e Kosovës
-
Filmi “The Land within”, lufta në Kosovë, e vështruar nga një kënd tjetër
-
Robin Krasniqi fiton me pikë ndaj portugezit Jorge Silva
Jeta në Zvicër
-
Neuchâtel: Një algjerian 29-vjeçar u gjet i vdekur në qeli La Chaux-de-Fonds, Neuchâtel: Trupi i tij i pajetë u gjet nga rojat e burgut rreth orës...
-
Kantonet zvicerane me plane për të punësuar më shumë mësues të huaj
-
Bernë: Merret vendimi për gruan e cila vrau kryetarin e bashkisë së Lauterbrunnen pasi e goditi 58 herë me thikë
-
Pse Zvicra subvencionon tarifat vetëm për disa studentë të huaj?
-
Prodhuesi zviceran i thikave të ushtrisë në përpjekje për të përmbushur kufizimet globale të tehut