Lajme
Pse disa persona preken rëndë nga COVID-19, e disa e kalojnë pa simptoma
CNN ka botuar një artikull për misterin, nëse mund të quhet i tillë, se pse disa persona e kalojnë shumë lehtë virusin, ndërkohë që të tjerët më rëndë, transmeton albinfo.ch.
Edhe pse komuniteti shkencor ka mësuar shumë gjëra rreth koronavirusit dhe sëmundjes që e shkakton COVID-19, të shumta mbesin në njohuritë e tyre.
Thuhet se një prej mistereve më të mëdha është se përse disa njerëz sëmuren shumë rëndë dhe madje edhe vdesin prej kësaj sëmundjeje, derisa disa njerëz të tjerë nuk shfaqin simptoma dhe mund edhe të mos e kuptojnë se janë të infektuar.
Po ashtu duhet theksuar se shkencëtarët tashmë dinë disa prej faktorëve kryesorë që e rrisin rrezikun e komplikimeve nga COVID-19: Të qenët mbi 60 vjeç, mbipesha, sëmundjet kronike, si diabeti, sëmundjet e veshkave apo mushkërive dhe kanceri. Njëkohësisht, afro-amerikanët dhe latino-amerikanët janë më në rrezik, sipas hulumtimeve.
Por, ekziston edhe një qëndrim tjetër, se persona të caktuar kanë një lloj mbrojtjeje nga virusi.
Sipas një studimi të publikuar rishtaz në gazetën “Nature Reviews Immunology”, një përqindje e madhe e popullsisë duket të ketë qelizat imune, që janë në gjendje të identifikojnë pjesë të virusit SARS-Cov-2, dhe se kjo u jep përparësi në luftimin e infeksionit. Me fjalë të tjera, disa persona kanë një shkallë të caktuar të mbrojtjes.
“Ajo çfarë kemi gjetur është se njerëz që nuk kanë qenë të ekspozuar ndonjëherë… rreth gjysma e tyre kishin njëfarë reaktiviteti të qelizave-T’”, ka thënë për CNN-në bashkautori i studimit, Alessandro Sette, nga Qendra për Sëmundje Infektive dhe Hulumtime të Vaksinave në Institutin për Imunologji “La Jolla”.
E-Diaspora
-
Sot fillon në Cyrih Festivali i Filmit “Kino Kosova” Platforma albinfo.ch është partnere mediale e festivalit dhe ajo do të ju mbajë të informuar mbi...
-
Vjenë
Vjenë: Kori Siparantum, edhe me një paraqitje në skenën prestigjioze
-
Gjenevë
Gjenevë: Ramë Dardania sjell ekspozitë më 14 qershor
-
Mentor Latifi është emëruar ambasador i ri i Kosovës në Zvicër
-
Gjeneva
Festivali Ndërkombëtar i Filmit në Gjenevë për 4 vjet me radhë sjell fima shqiptarë
Jeta në Zvicër
-
Pritet trafik i rënduar gjatë majit në Zvicër USTRA paralajmëron trafik të rënduar gjatë pushimeve, veçanërisht në autostradat A2 dhe A13, duke ju këshilluar...
-
OECD: Aktiviteti i ngadaltë ekonomik ngadalëson rritjen në Zvicër
-
Rritje e investimeve të huaja në Zvicër gjatë vitit 2023
-
Qeveria zvicerane synon ekuilibër më të mirë gjinor në administratën federale
-
Qeveria zvicerane do të përdorë të dhënat e telefonit për të identifikuar azilkërkuesit