Lajme
Shqiptarët, në vendin e dytë të të dëbuarve, pas ukrainasve
Shumica e urdhrave për dëbim ishin drejtuar kundër njerëzve me origjinë nga Ukraina (1252 raste), Shqipëria (1220) dhe Serbia (828)
Numri i dëbimeve të të huajve në Gjermani është rritur ndjeshëm gjatë vitit të kaluar. Në vitin 2019, janë lëshuar gjithsej 11.081 urdhra dëbimi, shkruan “Neue Osnabrücker Zeitung” (“NOZ”).
Gazeta ka përcjellë kështu përgjigjen e Ministrisë Federale të Brendshme për një pyetje të grupit parlamentar të Partisë së Majtë.
Numri i dëbimeve është rritur për 50 përqind krahasuar me vitin 2018, përcjell albinfo.ch. Në atë vit, autoritetet e emigracionit kishin dëbuar “vetëm” 7408 persona.
Sipas ministrisë, urdhërat më të shumtë të dëbimit në vitin e kaluar janë lëshuar në Landin Baden-Württemberg (3540 raste), pasuar nga Nordrhein-Westphalen (1762) dhe Bavari (1376) raste.
Shumica e urdhrave për dëbim ishin drejtuar kundër njerëzve me origjinë nga Ukraina (1252 raste), Shqipëria (1220) dhe Serbia (828).
Ministri i Brendshëm Federal, Horst Seehofer planifikon të marrë çështjen e dëbimeve drejtpërdrejtë në duart e veta dhe në bashkëpunim me policinë federale.
Ata që marrin vendimin për dëbim, duhet të largohen nga Gjermania dhe nuk lejohen të hyjnë përsëri.
Sipas Ministrisë së Brendshme, gjithsej 311.811 persona janë regjistruar në regjistrin qendror të të huajve me urdhër dëbimi, raporton NOZ, transmeton albinfo.ch. Megjithatë, gati 30,000 prej tyre janë akoma në Gjermani.
E majta kritikon rritjen e mprehtë të numrit të dëbimeve. Politikanja e kësaj partie që mbulon punët e brendshme, Ulla Jelpke madje ka bërë thirrje për heqjen e dëbimeve.
Disa prej të prekurve kanë pasur qendrën e tyre të jetesës në Gjermani për dekada dhe në këtë mënyrë do të shkëputen nga lidhjet e tyre shoqërore nëse do të dëbohen, përcjell albinfo.ch. “Kjo është zgjidhje mizore dhe e gabuar”,ka thënë Jelpke për “NOZ”.
E-Diaspora
-
Hapet në Toronto Java e Kulturës së Kosovës Mbrëmjen e së shtunës në Toronto është hapur Java e Kulturës së Kosovës në Kanada me...
-
Cyrih: Zhvillohet seminari “Institucionalizimi i mësimit plotësues të gjuhës shqipe në diasporë – Zvicër”
-
Paraqitet si kroat, me pasaportë false – burgoset muratori nga Kosova
-
Ka shantazhuar një të burgosur: 8 muaj shtesë për kosovarin e dënuar me 16.5 vjet burgim
-
Kryediplomati shqiptar, Igli Hasani, takon homologun e tij nga Zvicra, Ignazio Cassis
Jeta në Zvicër
-
Cyrih: Zhvillohet seminari “Institucionalizimi i mësimit plotësues të gjuhës shqipe në diasporë – Zvicër” Nën realizimin e Konsullatës së Republikës së Kosovës në Cyrih këtë fundjavë është zhvilluar seminari me...
-
Valais: Dy turistë vdesin si pasojë e një orteku, i treti mbijetoi
-
Paraqitet si kroat, me pasaportë false – burgoset muratori nga Kosova
-
Si u bë Zvicra vendi nga ku rrjedh qumështi dhe çokollata
-
Ka shantazhuar një të burgosur: 8 muaj shtesë për kosovarin e dënuar me 16.5 vjet burgim