Sondazhi: Një e katërta e punonjësve zviceranë nuk duan të vaksinohen

Keystone (Oxford University Pool via AP)

Një studim i kryer nga Universiteti i Shkencave të Aplikuara në Bernë në emër të sindikatës Travail sugjeron se një pjesë e konsiderueshme e fuqisë punëtore të Zvicrës nuk dëshiron të vaksinohet kundër virusit SARS-CoV-2, raporton gazeta 20 Minutes.

Sipas anketës, 45.8% do të ishin të gatshëm të merrnin një vaksinë të certifikuar nga qeveria, 29.5% ishin të pavendosur dhe 24.7% thanë se do të refuzonin të vaksinoheshin, përcjell albinfo.ch,

Tobias Fritschi, një nga autorët e sondazhit, mendon se skepticizmi mund të shpjegohet pjesërisht me faktin se vaksinat janë ende në fazën e zhvillimit.

Sondazhi mori në pyetje 1,419 njerëz të moshës midis 15 dhe 64 vjeç. 2% thanë se ishin diagnostikuar si të infektuar nga virusi, përcjell tutje albinfo.ch.

Për të arritur imunitetin e tufës, një përqindje e caktuar e popullsisë do të kishte nevojë për imunitet qoftë nga një vaksinë, qoftë natyrshëm nga infeksioni. Sa e lartë është kjo përqindje mbetet një pyetje e hapur. Në një intervistë për “The Economist”, Bill Gates tha që vlerësimi aktual më i mirë është midis 30-60%. Pyetjet mbeten gjithashtu rreth forcës dhe kohëzgjatjes së imunitetit natyror dhe vaksinës.