Koronavirusi: Sa ishte humbja në aeroportin e Cyrihut

Keystone

Covid-19 ka pasur një ndikim të rëndë ekonomik në aeroportin e Cyrihut, me një kolaps gati total të të ardhurave herë pas here, sipas rezultateve të gjysmës së parë të vitit 2020.

Aeroporti më i madh ndërkombëtar i Zvicrës shënoi një humbje prej 27,5 milionë CHF (30.3 milionë dollarë) për gjashtë muajt e parë të vitit 2020, shkruajnë mediat zvicerane, përcjell albinfo.ch.

Në gjashtë muajt e parë të vitit 2020, 5.3 milionë pasagjerë përdorën aeroportin e Cyrihut, një rënie prej 64.3% krahasuar me të njëjtën periudhë në vitin 2019. Numri i lëvizjeve të fluturimit zbriti me 55.5% midis janarit dhe qershorit 2020.

“Kriza e koronavirusit ka pasur një ndikim të rëndë ekonomik në të gjithë industrinë e aviacionit dhe në Flughafen Zürich AG [operatori i aeroportit]. Ndonjëherë, kishte një rënie gati të përgjithshme të të ardhurave, e cila reflektohet në performancën e biznesit të gjysmës së parë”, tha CEO i kompanisë, Stephan Widrig në një deklaratë të premten.

Masat

Gjatë krizës, operatori i aeroportit prezantoi punë me kohë të shkurtër dhe mori masa të ndryshme për të siguruar likuiditetin. Pritet të ketë ulje të konsiderueshme në shpenzimet kapitale dhe kostot gjatë muajve dhe viteve të ardhshme.

Aeroporti qëndroi i hapur gjatë pranverës – kulmi i pandemisë kur Zvicra hyri në bllokim mbarëkombëtar dhe trafiku ajror ishte pothuajse në ndalesë – për të akomoduar ngarkesat ajrore, riatdhesimin, së bashku me disa fluturime të pasagjerëve.

Ka shenja të një rikuperimi të ngadaltë që nga rihapja graduale e kufijve në qershor, vazhdon deklarata, me shpresën që sektori i udhëtimeve të fillojë rimëkëmbjen e tij në Evropë.

“Ne kemi besim se trafiku ndërkombëtar ajror do të rikuperohet për një afat të gjatë”, tha Widrig, përcjell tutje albinfo.ch.

“Është e vështirë të lëshosh një parashikim të besueshëm për vitin aktual financiar, për shkak të pasigurisë së konsiderueshme për rrjedhën e mëtejshme të krizës së koronavirusit”, vazhdon deklarata.