Shifrat e fundit nga Shqipëria me Covid

(AP Photo/Luca Bruno)

Ministria e Shëndetësisë e Shqipërisë njoftoi sot se 101 raste pozitive janë konfirmuar me Covid-19 në 24 orët e fundit në vend.

Ndërsa për të katërtën ditë radhazi numri i të shëruarve është më i lartë se i të infektuarve. Derisa gjatë 24 orëve të fundit 5 persona humben betejen me Covidin.

“119 qytetarë janë shëruar në 24 orët e fundit, duke e çuar numrin e të shëruarve në 5139, që nga fillimi i epidemisë. Për të katërtën ditë radhazi, numri i të shëruarve është më i lartë se i rasteve të reja të konfirmuara me COVID 19”, thuhet nē njoftimin e autoriteteve shëndetësore të Shqipërisë, transmeton Albinfo.ch.

Ministria e Shëndetësisë dhe Mbrojtjes Sociale u bën apel qytetarëve të mbajnë në konsideratë në çdo moment masat për frenimin e përhapjes së virusit.