Muriqi zbarkon në Romë, gati t’i bashkohet Lazios

Sulmuesi nga Kosova do t’i bashkohet Lazios, duke nënshkruar një kontratë 5-vjeçare

Përfundon telenovela. Vedat Muriqi ka arritur në Romë për t’iu bashkuar skuadrës së kryeqytetit italian, Lazio, ku drejtor sportive është Igli Tare, përcjell albinfo.ch.

Sulmuesi nga Prizreni ka planifikuar të zhvillojë vizitat e zakonshme mjekësore në klinikën Paideia të hënën në mëngjes, më pas do të shkojë në “SS Lazio Training Center” për të nënshkruar një kontratë 5-vjeçare me klubin bardhekaltër.

26-vjeçari është blerë nga radhët e Fenerbahçes për 18 milionë euro (plus 2 bonuse).

“Mendoj se jam i përshtatshëm për stilin e lojës së Lazios. Ata luajtën me dy sulmues në shumicën e ndeshjeve të sezonit. Më thanë se kishin nevojë për një sulmues si unë. Objektivat? Para së gjithash, sukses në një nivel kolektiv, pastaj në atë individual. Shkoj në një ekip të ri, shpresoj ta ndihmoj me golat e mi. Dua të luaj në klubet më të mëdha në botë në vitet e ardhshme, do të bëj më të mirën për Lazion”, ka thënë ai për mediat turke.

 

 

 

---