Lajme
Kurti shfrytëzon transportin publik gjatë vizitës së tij në Zvicër
Gjatë qëndrimit të tij në Zvicër, Kurti ka diskutuar me profesionistët shqiptarë të specializuar në teknologji informative, financa dhe banka
Ish-kryeministri i Kosovës, njëherësh lideri i Lëvizjes Vetëvendosje, Albin Kurti këto ditë po qëndron në Zvicër ku ka zhvilluar takime të ndryshme me profesionistë shqiptarë që jetojnë e veprojnë në Zvicër, shkruan Albinfo.ch.
Ai gjatë ditës së sotme është parë duke udhëtuar me tren, duke shkuar për në Bazel.
Kurti, i cili njihet si një politikan modest, edhe gjatë kohës sa ishte kryeministër, nëpër Prishtinë udhëtonte kryesisht në këmbë nga banesa e tij tek selia e Qeverisë së Kosovës.
Gjatë qëndrimit të tij në Zvicër, Kurti ka diskutuar me profesionistët shqiptarë të specializuar në teknologji informative, financa dhe banka. “Biseduam mbi sigurinë kibernetike, vështirësitë dhe mundësitë për investime kapitale, ndikimin e pandemisë në tregjet botërore, kontraktimin e jashtëm në Kosovë”, ka thënë ai, përcjell tutje Albinfo.ch.
Sipas Kurtit, shqiptarët janë integruar në shoqërinë zvicerane duke u bërë pjesë integrale për atë. “Dija, përvoja dhe investimet e tyre janë aq të vlefshme dhe të nevojshme për rimëkëmbjen ekonomike dhe progresin shoqëror te ne”, ka deklaruar ai.
Ai po ashtu mori pjesë në Kongresin Kombëtar të Partisë Socialdemokrate të Zvicrës.
“Bashkëpunimi ynë ndërkombëtar po thellohet e zgjerohet. Aleanca e subjekteve progresiste është kushti i progresit global e lokal”, deklaroi Kurti.
E-Diaspora
-
9-vjeçarja Moda Ademi performoi në koncertin Rock Pop Jazz Night Para një pjesëmarrje të madhe të publikut, 9-vjeçarja shqiptare, Moda Ademi, performoi në koncertin Rock Pop...
-
Prof. Dr. Schader: Pa përpjekjet e duhura, shqipja në Zvicër rrezikon të shuhet pas dy brezave
-
Shqipja në Zvicër, pak histori dhe disa probleme aktuale
-
Artistja shqiptare, pjesë e filmit hollivudian, flet shqip
-
Vjenë
Suedi: Ekipi “kikiriki” nga Vjena fitoi vendin e parë në konkursin “Kuizi i Diturisë”
Jeta në Zvicër
-
9-vjeçarja Moda Ademi performoi në koncertin Rock Pop Jazz Night Para një pjesëmarrje të madhe të publikut, 9-vjeçarja shqiptare, Moda Ademi, performoi në koncertin Rock Pop...
-
Migrimi ndërmjet kantoneve zvicerane – fituesit dhe humbësit
-
Rritje e racizmit në shkollat zvicerane
-
Në këtë kohë dhe vend priten kolona për festat publike në Zvicër
-
Vazhdon ulja e shkallës së papunësisë në Zvicër