Pandemia mund të shtyjë 49 milionë afrikanë në varfëri ekstreme

Ilustrim

Tani është njohur gjerësisht se në Afrikë, pandemia Covid-19 është në një trajektore ndryshe nga ajo në pjesën tjetër të botës, përfshirë Perëndimin.

Ndërsa nivelet relativisht të ulëta të testimit errësojnë pasqyrën e plotë, nivelet e vdekjeve kanë qenë dukshëm më të ulta; sistemet shëndetësore, ndonëse ndonjëherë të tensionuara, nuk janë mbingarkuar; dhe studimet e fundit serologjike sugjerojnë që përderisa shkallët e infeksioneve në Afrikë kanë qenë të larta, një pjesë e madhe e këtyre infeksioneve kanë qenë asimptomatike. Ndërkohë, në pjesën tjetër të botës, rastet në rritje dhe kërcënimi i afërt i një vale të dytë kanë bërë që vendet në të gjithë Evropën dhe Azinë të lëvizin drejt kufizimeve të reja dhe bllokimeve të pjesshme. Ekzistojnë hipoteza të shumta se pse dhe si Afrika i ka shpëtuar parashikimeve të rastit më të keq, duke filluar nga demografia e një popullsie të re tek klima dhe rezistenca e mundshme. Nëpër një kontinent të larmishëm, përgjigjja e vërtetë ka të ngjarë të jetë një kombinim faktorësh, por në këtë fazë nuk ka prova të mjaftueshme shkencore për të arritur në konkluzione përfundimtare.

Sidoqoftë, nëse Afrika ka shpëtuar nga pandemia më e keqe në aspektin shëndetësor, e njëjta gjë nuk mund të thuhet për ndikimin ekonomik të Covid-19, ku dëmi kolateral ka qenë i madh. Investimet e huaja direkte kanë rënë 40%, rreth 30 milion punë pritet të humbasin dhe deri në 49 milion afrikanë më shumë mund të shtyhen në varfëri ekstreme pasi ata humbin jetesën e tyre në sektorin informal duke punuar si shitës ambientesh, shoferë taksish dhe punë të ngjashme. Ndërprerjet në shërbimet shëndetësore dhe furnizimet për shkak të Covid-19 pritet gjithashtu të përkeqësojnë rezultatet më të gjera shëndetësore. Vdekjet nga HIV, tuberkulozi dhe malarja mund të rriten me rreth gjysmë milioni njerëz, shkruan “CNN”, përcjell albinfo.ch