SHBA, “Code for Albania”: Program për teknologji dhe mentalitet krijues të të rinjve

Ekipi i programit “Code for Albania” është iniciativë e një grupi profesionistësh shqiptarë që jetojnë dhe punojnë në SHBA, me programin mbi arsimimin e nxënësve të shkollave të mesme në fushën e teknologjisë dhe mentalitetit krijues të tyre.

Ekipi i programit “Code for Albania”, iniciativë e një grupi profesionistësh shqiptarë që jetojnë dhe punojnë në SHBA, vijon me zbatimin e programit mbi arsimimin e nxënësve të shkollave të mesme në fushën e teknologjisë, transmeton albinfo.ch.

Përfaqësuesit e programit u bëjnë thirrje anëtarëve të Diasporës shqiptare t’i bashkohen nismës, duke mbështetur projektet që kanë përfshirë më shumë se 500 gjimnazistë nga 27 qytete të ndryshme të Shqipërisë.

“Code for Albania” është një urë lidhëse midis ballinës së teknologjisë botërore, Silicon Valley dhe Shqipërisë. Përmes një partneriteti unik të një OJF-je të themeluar në bazë të vullnetit të Diasporës Shqiptare në Kaliforni, alphaPlan, dhe një OJF-je nga Universiteti Stanford, Code.X, ne kemi qenë të aftë të ofrojmë një program 3-vjeçar në Shkenca Kompjuterike dhe Mentalitet Krijues për nxënësit e ciklit të mesem.

Ky program shkon përtej promovimit të aspektit teknik të programimit dhe thellohet në fuqizimin e të rinjve me një mentalitet që provon të zgjidhë probleme reale në komunitet përmes mentorimit nga të diplomuar në Stanford që vizitojnë Shqipërinë rregullisht. Code for Albania ofrohet pa pagesë për çdo pjesëmarrës. /Albinfo.ch

---