Komuna e vetme në Kosovë që nuk ka asnjë të infektuar me Covid-19

Faik Hoti, zëdhënës në Ministrinë e Shëndetësisë (MSh), së fundi ka publikuar pasqyrën epidemiologjike të të prekurve nga Covid19 në vendin tonë.

Bazuar në vendbanime, në Partesh nuk ka as edhe një rast aktiv me Covid-19, transmeton Indeksonline, përcjell Albinfo.ch.

Tutje, nga po i njëjti raport bëhet me dije se që nga fillimi i pandemisë në këtë vend janë infektuar vetëm dy persona.

Ndryshe, vlen të përmendim faktin se gjatë 24 orëve të fundit në Kosovë janë shënuar 524 raste të reja, ndërsa 12 persona kanë vdekur. Aktualisht janë 11 mijë e 868 raste aktive me koronavirus.