Ambasada gjermane me njoftim për qytetarët që duan të udhëtojnë drejt Kosovës

Keystone - @acalmelor

Duke qenë se Qeveria e Gjermanisë, në mbledhjen e sotme morën masa të reja antipandemi, kjo ambasadë bën të ditur se në takimin e sotëm drejtuar nga Kancelarja Angela Merkel, u morën këto vendime:

Nga data 16 dhjetor 2020 (e mërkurë) e deri më 10 janar 2021 Gjermania do të mbyllet sërish.

Do të mbylljen dyqanet e tregtisë me pakicë, me përjashtim të dyqaneve për nevojat e përditshme. Restorantet mbeten të mbyllura dhe do të kenë të drejtë sikurse dhe tash të ofrojnë ushqime për marrje me vete për t’u konsumuar në shtëpi. Po ashtu nuk do të lejohet konsumimi i alkoolit apo mbledhjet në vende publike. Gjithashtu mbyllen edhe floktoret, studiot e kozmetikës, tatuazhit etj. Të hapura do të mbeten vetëm dyqanet për gjësende ushqimore e higjienike dhe dyqanet për shitje me shumicë.

Shkollat, kopshtet dhe institucionet e kujdesit ditor do të mbyllen po kështu. Përjashtim do të ketë, sikurse në verë, vetëm për fëmijët, prindërit e të cilëve nuk kanë mundësi të kujdesen vetë për ta, sepse janë në punë ku nevojitet prania fizike. Mësimi shkollor për këtë periudhë ose do të ndërpritet, ose do të kalohet në distancë. Këtë e vendos secili land më vete.

Lejohen vetëm tubime me pesë veta, me anëtarë nga maksimumi dy familje, mundësisht gjithmonë të njëjtat. Përjashtim do të ketë nga data 24 deri në 26 dhjetor. Përveç familjes mund të ftohen edhe katër të afërm të gradës së parë, plus fëmijë deri në 14 vjeç.