Lajme

Mbretëresha Elizabeth II vaksinohet kundër Covid-19

E shtunë, 9 Janar 2021 - 19:39 albinfo.ch

Mbretëresha dhe Duka i Edinburgut kanë marrë vaksinat anti-COVID të shtunën, ka bërë të ditur Pallati Mbretëror në Buckingham.

Mbretëresha Elizabteh II, 94-vjeçare dhe princi Philip, 99 vjeç, morën vaksinat në Kështjellën Windsor.

Pallati mbretëror ka njoftuar se vaksinat u dhanë nga një mjek i pallatit, shkruan “The Independent”, përcjell Albinfo.ch.

Sipas mediave, mbretëresha kërkoi vetë që kjo të publikohej në mënyrë që të parandaloheshin spekulimet dhe keqinformimet.

“Mbretëresha dhe Duka i Edinburgut kanë marrë sot vaksinat anti-Covid”, tha një zëdhënës i Pallatit Buckingham.

Nuk është bërë e ditur se cila vaksinë i është dhënë çiftit mbretëror.

 Të tjera nga Lajme

Aeroporti i Gjenevës përgatitet për një verë rekord: Priten mbi 3.5 milionë pasagjerë

 E-Diaspora

 Jeta në Zvicër