Maqedoni, ulet në 10 mijë numri i rasteve aktive me Covid

KEYSTONE/EPA/GEORGI LICOVSKI

Për herë të parë pas një periudhe të gjatë, numri i rasteve aktive me Coronavirus në Maqedoni ka rënë nën 10 mijë. Sipas mjekëve, ky është një lajm i mirë për këtë shtet, përcjell albinfo.ch.

Sa u përket statistikave, referuar Ministrisë së Shëndetësisë, numri i përgjithshëm i të diagnostikuarve me Coronavirus në vend që nga fillimi i epidemisë është 90.654, numri i pacientëve të shëruar është 78.154, numri i vdekjeve është 2.785, ndërsa numri i rasteve aktive është 9.715.

Nga ana tjetër, rënie të numri të rasteve aktive ka edhe në Shkup ku për momentin ka 5.461 raste aktive në Shkup, i cili, përkundër zvogëlimit, mbetet qyteti me më shumë raste aktive.

Nga qytetet e tjera me më shumë raste aktive janë Kumanova 392, Tetova 382, Ohri 349, Kavadari 336, Strumica 302, Veles 257, Prilep 250, Gostivar 228.