Lajme
BE-ja synon të vaksinojë 70% të të rriturve deri në fund të verës
Në konferencën e fundit, shefja e Bashkimit Evropian (BE), Ursula von der Leyen, ka shprehur synimin e unionit për të vaksinuar 70% e të rriturve deri në fund të verës.
Deklarata vjen pas polemikave mbi vonesën e vaksinave nga kompanitë përkatëse.
Sipas saj, BE-ja ka bërë përparim në procesin e vaksinimit.
Ajo sqaroi dhe termin se “vera” do të thotë koha midis qershorit dhe fundit të gushtit.
Gjatë deklaratës së saj në televizionin gjerman ZDF, ajo nuk iu përgjigj pyetjes për disnivelin e vaksinimit mes BE-së dhe Mbretërisë së Bashkuar.
“Unë mendoj se e vetmja garë në të cilën jemi është ajo me virusin dhe kohën”, tha ajo.
Von der Leyen pranoi se shkurti dhe marsi do të jenë muaj “të vështirë”.
Vërejtjet e Von der Leyen erdhën pas bisedimeve midis shefit të Komisionit të BE-së dhe kompanive të vaksinimit.
Gjatë bisedimeve AstraZeneca ra dakord të furnizojë me 9 milionë doza BE-në gjatë tremujorit të parë.
Von der Leyen e vlerësoi lëvizjen si një “hap përpara”, duke shtuar se kompania “do të zgjerojë gjithashtu kapacitetin e saj prodhues në Evropë”.
Sidoqoftë, edhe synimi i ri i dorëzimit prej 40 milionë dozash deri në fund të marsit është ende vetëm gjysma e premtimit origjinal të kompanisë. /Albinfo.ch
Të ngjashme
Të tjera nga Lajme
E-Diaspora
-
Bizneset nga diaspora vizitojnë “Shtëpinë e Kosovës” Pas eventit të mbajtur dje në Prishtinë ku u bashkuan rreth 350 biznese nga diaspora dhe...
-
Shqiptari diplomon në Columbia University në Nju Jork
-
Bernë: Promovohet libri “Gazmend Zajmi – Një jetë për Kosovën” me autor Nuhi Bytyçi
-
Tenori Ramë Lahaj në Toronto, me rastin e 25-vjetorit të ardhjes së refugjatëve nga Kosova në Kanada
-
Regjistrimi i popullsisë: Diaspora mund të regjistrohet online deri më 31 gusht
Jeta në Zvicër
-
Zvicra vendosi të ndajë të dhënat e pasagjerëve të fluturimit me policinë Pa planin e propozuar, Zvicra do të përballej me disavantazhe ekonomike...
-
4% e shoferëve në Zvicër drejtojnë makinën nën ndikimin e alkoolit
-
Përmbledhje e lajmeve nga Zvicra për të cilat duhet të dini këtë javë
-
Në cilat punë në Zvicër punëtorët e huaj fitojnë më shumë se zviceranët?
-
Kaos në tunelin Gotthard: Shoferët sulmojnë aktivistët e klimës (VIDEO)