Futboll
Elseid Hysaj mund të kalojë tek ekipi i madh evropian
Elseid Hysaj është në javët e fundit të eksperiencës së tij 5-vjeçare me fanellën e Napolit.
Këtë e konfirmon menaxheri i mbrojtësit shkodran, Mario Giuffredi, që në një intervistë për mediat italiane ka theksuar se diskutimet për rinovim janë ndërprerë prej javësh.
“Me Napolin është mbyllur gjithçka dhe në fund të sezonit do të vijë zyrtarisht divorci. Një nga klubet me të cilët po flasim është edhe Paris Saint Germain. Kam diskutuar me Leonardon këto ditë dhe është një mundësi, por nuk ka ende asgjë konkrete. Në fund të sezonit do të vlerësojmë alternativat me qetësi”, deklaroi menaxheri i mbrojtësit.
I pyetur nëse skenarët mund të ndryshojnë me një rikthim të mundshëm të Maurizio Sarrit në pankinën e Napolit, Giuffredi konfirmoi se kjo është e vetmja mënyrë për të parë akoma Hysajn të luajë në “Diego Armando Maradona”.
“Nëse Sarri rikthehet në pankinën e Napolit, atëherë gjërat mund të ndryshojnë, por gjithmonë nëse nuk kemi firmosur me ndonjë klub tjetër. Unë jam menaxher i Hysajt dhe kam detyrimin të çoj përpara diskutimet e nisura që në muajin janar, ndaj mund të kemi gjetur një klub tjetër para fundit të sezonit”, deklaroi italiani.
Hysaj iu bashkua Napolit në verën e 2015-ës, bashkë me trajnerin Maurizio Sarri dhe në 6 sezone me fanellën e kaltër, numëron 193 ndeshje të luajtura, gjatë të cilave ka shënuar vetëm një gol.
Të ngjashme
Të tjera nga Futboll
E-Diaspora
-
Rama njofton për programin e veçantë për emigrantët që duan të investojnë në Shqipëri Kryeministri i Shqipërisë, Edi Rama, njoftoi sot për një program të veçantë për të gjithë emigrantët...
-
400 mijë të regjistruar përmes platformës e-diaspora
-
Bizneset ekspozojnë produktet e tyre në “Panairi Lugina” në Zvicër
-
Arbëreshët, kjo rrënjë e fortë e Atdheut!
-
Osmani u drejtohet bizneseve amerikane në Teksas: Investoni në Kosovë
Jeta në Zvicër
-
A do të humbasin burrat ukrainas statusin e tyre të mbrojtjes në Zvicër? Në luftën kundër Rusisë, Ukraina po kërkon kthimin e ushtarëve të saj të rekrutuar – 11,000...
-
Zvicër: Të ardhurat rriten me çdo brez
-
Nemo kthehet në Zvicër, mirëpritet nga fansat
-
“Qeveria kantonale duhet të sjellë Eurovisionin në Cyrih”
-
Hedhja e parave nga qielli në Cyrih: Një 12-vjeçar është plagosur rëndë me sende të mprehta