BAG raporton 1923 raste të reja dhe 19 vdekje nga Covid-19

Kjo e rrit mesataren e 7 ditëve të fundit në 1782, që është 19 për qind më shumë se në javën e kaluar

Zyra Federale e Shëndetit Publik (BAG) ka raportuar 1923 raste të reja këtë pasdite që kishin rezultuar pozitive për koronavirusin në 24 orët e fundit.

Kjo e rrit mesataren e 7 ditëve në 1782, që është 19 për qind më shumë se në javën e kaluar. Trendi aktualisht po rritet, shkruan srf.ch.

Me trendin aktual, mesatarja 7-ditore e infeksioneve të reja dyfishohet afërsisht çdo 28 ditë, transmeton albinfo.ch. Incidenca 14-ditore aktualisht është 262.4.

Shkalla mesatare pozitive 7-ditore aktualisht është 5.7 për qind. Krahasuar me javën e kaluar, norma pozitive ka mbetur e njëjtë.

Numri i testimeve në një mesatare 7-ditore është 35,697 teste në ditë dhe kështu është rritur për 10 për qind krahasuar me javën e mëparshme.

BAG raporton 19 raste të reja të vdekjes. Mesatarja 7 ditore është 6 vdekje, që është 28 për qind më pak se në javën e kaluar.

Aktualisht BAG raporton 921 persona që po trajtohen në spitale për Covid-19. Kjo është 8 për qind më shumë se në javën e kaluar.

Shtretërit e kujdesit intensiv të certifikuar në spitalet zvicerane janë aktualisht 77.0 për qind të mbushura, përcjell albinfo.ch. Ndërsa nëse llogariten edhe shtretërit ad-hoc, niveli i shfrytëzimit është 68.0 për qind.

Nga këta shtretër, 18 për qind janë të zënë nga të sëmurët me Covid-19.

 

---