Sa vota kanë marrë presidentët e Kosovës ndër vite

Kush ka marrë më shumë vota deri më tani

Vjosa Osmani u bë presidente e Kosovës me 71 vota pro nga deputetët e Kuvendit të Kosovës.

Por, sa vota kanë marrë presidentët e Kosovës ndër vite.

Fatmir Sejdiu dhe Atifete Jahjaga janë dy presidentët që morën më së shumti vota të deputetëve. Presidenti i parë pas përfundimit të luftës në Kosovë ishte Ibrahim Rugova, i cili në atë kohë kishte marrë 65 vota.

Presidenti i parë pas Pavarësisë së Kosovës ishte Fatmir Sejdiu, i cili mori 80 vota të deputetëve.

Pas tij në krye të shtetit me një konsensus politik erdhi Atifete Jahjaga, e cila po ashtu mori 80 vota të deputetëve.

Ndërsa Hashim Thaçi në vitin 2016 kishte marrë 71 vota.

Ndërkohë, Vjosa Osmani sot u bë presidente po me 71 vota, përcjell albinfo.ch.

---