Qeveria propozon vazhdimin e masave deri në fillim të shtatorit

Testet Covid për njerëzit pa simptoma dhe pesë vetë-teste në muaj për njerëzit e pavaksinuar ose të shëruar, nga 1 tetori nuk do të jenë falas

Këshilli Federal ka vendosur në mbledhjen e tij të sotme që njëherë për njëherë t’u përmbahet masave aktuale të koronës. Kjo bëhet për shkak të situatës aktuale epidemiologjike që po shpërfaqet me rritjen e numrit të rasteve, raporton srf.ch.

Qëllimi është të shmanget mbunkarkimi i spitaleve, transmeton albinfo.ch. Këshilli Federal dëshiron të rivlerësojë situatën në fillim të shtatorit.

Më tutje Këshilli Federal thotë se supozon se të gjithë ata që duan të vaksinohen tani kanë mundur të vaksinohen. Por, qeveria nuk është e kënaqur me normën e vaksinimit, rritja e të cilës është shumë e ngadalshme.

Po ashtu qeveria e vendit ka shprehur qëndrimin që testet Covid për njerëzit pa simptoma (të ashtuquajturat teste komoditeti) dhe pesë vetë-teste në muaj për njerëzit e pavaksinuar ose të shëruar të mos jenë më falas nga 1 tetori, përcjell albinfo.ch. Këtu bëjnë përjashtim testet për fëmijët deri në 12 vjeç dhe për njerëzit që nuk mund të vaksinohen.

Njerëzve të pavaksinuar që duan të marrin pjesë në një ngjarje për të cilën kërkohet certifikata Covid (vaksinimi ose testi) do t`u duhet të paguajnë vetë për testin e tyre, duke filluar nga 1 tetori – ose të vaksinohen ndërkohë.

Këshilli Federal do ta dorëzojë këtë propozim për konsultim.

---