Lajme
Theksohet nevoja për punëtorë sezonalë në Itali
Mësohet se sektori agro-bujqësor në Itali kërkon krah pune dhe i kërkojnë qeverisë italiane miratimin e një drafti të ri ligjor për sjelljen e një fluksi të ri punonjësish sezonalë ekstra-komunitarë, përcjell albinfo.ch.
Theksohet se me ardhjen e stinës së vjeshtës dhe nisjen e periudhës së vjeljes së frutave e perimeve, sipërmarrësit italianë lëshojnë alarmin se janë të preokupuar për mungesën e punonjësve sezonalë në vjeljen e rrushit, ullinjve, frutave e perimeve të stinës.
Thuhet se përmes shoqatës së sipërmarrësve agro-bujësorë “Confagricultura”, ata përcjellin kërkesën e tyre për nevojën e domosdoshme për punëtorë ekstra-komunitarë sezonalë.
Presidenti i ‘Confagriculturës’, Massimiliano Giansanti, ka deklaruar se “kanë kërkuar emetimin e një drafti të ri për mbërritjn e punonjësve sezonalë të huaj, raporton Ora News.
Pandemia, thotë ai, “na ka vënë në vështirësi dhe është e domosdoshme të gjejmë zgjidhje të përshtatshme që të mos orientohen vetëm nga urgjenca e emergjenca”.
Në një letër dërguar ministres së Brendshme, Luciana Lamorgese, kërkojnë të paraprihet publikimi i dekretit fluks emigrantësh sezonalë për 2021 në mënyrë që qysh në fillim të shtatorit 2021 të paraqiten kërkesat për aplikimi në punësim sezonalë si dhe e drejta për konvertimin e lejeve të qëndrimit për punë sezonalë.
Shoqata ‘Cofagricultura’ italiane ka kërkuar gjithashtu dhe zgjatjen e afatit të lejeve të qëndrimit të emigrantëve që kanë skaduar deri më 31 korrik.
Në bazë të raportit të Observatorit Kombëtar mbi punësimin në sektorin agro-bujqësorë, në Itali janë të punësuar rreth 340 mijë punëtorë të huaj e barasvlefshem me 32 % të numrit të përgjithshëm të punëtorëve të këtij sektori.
62% e tyre janë emigrantë ekstra-komuntiarë të ardhur nga Maroku, Tunizia, Senegali, Shqipëria, Moldavia, Sllovakia, Rumania, Bullgaria etj.
“Nga strukturat territoriale e fermat bujqësore në gjithë territorin italian na vijnë sinjalizime për mungesë krahu pune, ndërsa ka nisur sezoni i vjeljes së frutave, perimeve, ullinjve e rrushit”, është alarmi i lëshuar nga ‘Confagricultura’ italiane dhe i përcjellë qeverisë Draghi.
Të tjera nga Lajme
E-Diaspora
-
Bizneset nga diaspora vizitojnë “Shtëpinë e Kosovës” Pas eventit të mbajtur dje në Prishtinë ku u bashkuan rreth 350 biznese nga diaspora dhe...
-
Shqiptari diplomon në Columbia University në Nju Jork
-
Bernë: Promovohet libri “Gazmend Zajmi – Një jetë për Kosovën” me autor Nuhi Bytyçi
-
Tenori Ramë Lahaj në Toronto, me rastin e 25-vjetorit të ardhjes së refugjatëve nga Kosova në Kanada
-
Regjistrimi i popullsisë: Diaspora mund të regjistrohet online deri më 31 gusht
Jeta në Zvicër
-
Zvicra vendosi të ndajë të dhënat e pasagjerëve të fluturimit me policinë Pa planin e propozuar, Zvicra do të përballej me disavantazhe ekonomike...
-
4% e shoferëve në Zvicër drejtojnë makinën nën ndikimin e alkoolit
-
Përmbledhje e lajmeve nga Zvicra për të cilat duhet të dini këtë javë
-
Në cilat punë në Zvicër punëtorët e huaj fitojnë më shumë se zviceranët?
-
Kaos në tunelin Gotthard: Shoferët sulmojnë aktivistët e klimës (VIDEO)