Universitetet zvicerane kërkojnë certifikatën Covid

Kërkohet certifikata Covid për të shkuar në universitet

Instituti Federal Zviceran i Teknologjisë Lozanë (EPFL) dhe universitetet e Lozanës (UNIL) dhe Neuchâtel kanë njoftuar se do të kërkojnë certifikata Covid për ligjërata, kur të rihapen pas pushimit të verës, transmeton albinfo.ch.

Sipas raportit, thuhet se nga vjeshta mësimi ballë për ballë lejohet plotësisht – nën masa higjienike – në kampuset zvicerane, pas 18 muajsh mbyllje dhe mësimi në distancë. Por deri më tani nuk ka qenë e qartë se cilin rol mund të luajë certifikata Covid.

Të mërkurën Qeveria zvicerane vendosi të zgjasë përdorimin e certifikatave Covid, të cilat tregojnë nëse një person është i vaksinuar, testuar ose shëruar, në hapësirat publike të mbyllura si restorante, ngjarje kulturore dhe aktivitete të kohës së lirë nga 13 shtatori. Gjithashtu tha se kantonet ose universitetet mund të paraqesin një kërkesë për certifikatë për mësimdhënie në nivelin Bachelor dhe Master.

“Certifikata Covid do t’u japë studentëve mundësinë të marrin pjesë në klasa ballë për ballë me një garanci më të mirë shëndetësore. Gjithashtu do të na lejojë të përdorim infrastrukturën tonë në kapacitetin e saj të plotë. Për studentët tanë, kjo lejon një kthim të vërtetë në jetën universitare”, tha zëdhënësja Corinne Feuz në një deklaratë me email për Swissinfo.

UNIL konfirmoi se do të prezantonte certifikatën Covid “për mësime në nivelin bachelor dhe master nga e marta, 21 shtator”.

I njëjti detyrim do të zbatohet për ngjarjet, përfshirë javën e mirëseardhjes, si dhe për qasjen në objektet e hotelierisë, sportit dhe bibliotekës nga 13 shtatori, tha një email informacioni për komunitetin universitar. Më shumë detaje do të vijnë më vonë, shtoi ajo.

Universiteti i Neuchâtel gjithashtu u tha studentëve të tij se certifikata do të kërkohej. Transmetimi i ligjëratave për ata që nuk mund të marrin pjesë personalisht do të jetë në dispozicion, tha një zëdhënës.

 

---