Lajme

Zvicra nuk planifikon dozën e tretë të vaksinës

E enjte, 30 Shtator 2021 - 13:20 albinfo.ch

Keystone

Edhe pse injeksionet përforcuese të vaksinës janë administruar tashmë në disa vende, Zvicra nuk ka plane të menjëhershme për ta bërë këtë, sipas Virginie Masserey, shefe e seksionit të kontrollit të infeksionit në Zyrën Federale të Shëndetit Publik, transmeton albinfo.ch.

Ajo ia atribuoi këtë hezitim mungesës së provave shkencore në mbështetje të vaksinave përforcuese, duke shpjeguar se studime të ndryshme kërkimore “nuk kanë arritur konsensus” mbi këtë temë.

“Ne do të duhet të dimë pas sa muajsh zvogëlohet imuniteti. Ne nuk shohim ndonjë ulje të mbrojtjes në këtë kohë. Pra, është më e rëndësishme t’u jepet një dozë njerëzve të pavaksinuar sesa të ofroni një dozë të tretë”, shtoi Masserey.