Përfaqësues nga tri fetë: Si njerëzit e moshave të ndryshme jetojnë dhe përcjellin fenë e kulturën e tyre në Bernë

Në Bernë u mbajt një organizim i veçantë, ku ishin të ftuar përfaqësues nga myslimanët, krishterët dhe hebrenjtë, duke diskutuar për ngjashmëritë dhe dallimet në tri fetë monoteiste.

Imami i njohur shqiptar në Zvicër, ish kryetari i Bashkësisë Islame Shqiptare të Zvicrës, Mustafë Memeti, tregoi më shumë për këtë mbrëmje, përcjell albinfo.ch.

“Nata e feve më 13 nëntor 2021 eksploroi bisedën midis brezave në fe. Në bashkëpunim me kishën protestante të Bernit dhe sinagogën u trajtua pyetja se si njerëzit e moshave të ndryshme jetojnë dhe e përcjellin fenë dhe kulturën e tyre në Bernë.

Ishte një mbrëmje e mrekullueshme në të cilën të rinjtë tanë kënduan edhe ilahije në gjuhen arabe dhe shqipe. Në fund u zhvillua një panel diskutimi mes myslimanëve, të krishterëve dhe hebrenjve mbi ngjashmëritë dhe dallimet në tri fetë monoteiste”, shkruan Memeti.