Kosovë: 50 prokurorë të angazhuar në procesin zgjedhor

EPA/VALDRIN XHEMAJ

Prokuroria e Shtetit në Kosovë, përmes një njoftimi ka bërë të ditur se është duke përcjellë me vëmendje procesin zgjedhor, i cili është duke u zhvilluar sot për zgjedhjet për kryetarë komunash.

Që nga ora shtatë e mëngjesit të ditës së sotme janë të angazhuar mbi 50 prokurorë dhe staf mbështetës, për të përcjellë për së afërmi mbarëvajtjen e procesit zgjedhor, të cilët janë në gjendje gatishmërie që të reagojnë në çdo rast ku ka pengim të procesit të votimit, thuhet ndër të tjera në njoftim, transmeton Albinfo.ch.

Po ashtu pokurori i shtetit me qëllim të parandalimit të çdo parregullsie që lidhet me të drejtën e votës, fton qytetarët, mediat dhe shoqërinë civile të bashkëpunojnë dhe të raportojnë te Policia dhe Prokuroria të gjitha pretendimet për keqpërdorim të votës.