Tematike
61% deri 67% për qind e zviceranëve do ta votojnë “Ligjin Covid”
Shkalla e mbështetjes së "ligjit Covid", sipas SRG mbetet e pandryshuar, 61 për qind. Ndërsa sipas sondazhit të Tamedia, mbështetja është 67%
Rrallë ndonjë një fushatë referendumi në Zvicër ka qenë kaq emocionale dhe e ashpër. Kundërshtarët e “Ligjit Covid” i përpiqen me të gjitha mjetet: vërehet prania e madhe e tyre në rrugë dhe në media.
Mbështetësit, nga ana tjetër, Këshilli Federal dhe të gjitha partitë përveç SVP-së, janë shumë më pak të dukshëm.
Megjithatë, sondazhi i fundit, i realizuar nga gfs.bern (me porosi të SRF) njëmbëdhjetë ditë para votimit tregon: Opozita e zhurmshme e ka të vështirë të arrijë ndonjë gjë. Shkalla e mbështetjes së “ligjit Covid” nga popullata, mbetet e pandryshuar, në 61 për qind, transmeton albinfo.ch. Kundër janë 33% dhe të tjerët janë të papërcaktuar.
Ndërsa sipas sondazhit të Tamedia&20minuten, rezultatet e të cilit po ashtu janë publikuar sot, mbështetja për Ligjin Covid është edhe më e lartë, 67%. Kundër, sipas këtij sondazhi, do të ishin 30%.
Këto janë sondazhet e fundit para mbajtjes së referendumit, më 28 nëntor.
Strategjia e propozuesve duket se po funksionon
Pas pushimeve të vjeshtës, partitë mbështetëse të ligjit u akuzuan se u futën shumë vonë në këtë referendum të rëndësishëm. Por tani është e qartë: strategjia e tyre duket të ketë funksionuar. Figura më e rëndësishme e mbështetësve të ligjit Covid është Ministri i Shëndetësisë Alain Berset, dhe ai është ende i pranishëm në këtë krizë.
Ka mundësi që kundërshtarët të kenë shkuar shumë larg. Fushata e tyre po bëhet gjithnjë e më agresive dhe kjo mund të jetë gjithashtu një pengesë.
Të vaksinuarit janë në shumicë
Më vendimtar se fushatat dhe simpatia për një parti në këtë betejë votimi është statusi i njerëzve sa i përket vaksinimit: Sipas anketës, rreth 70 për qind e popullsisë me të drejtë vote (mbi 18 vjeç, shtetas zviceranë) janë të vaksinuar. Vetëm një pjesë e vogël e të vaksinuarve duan të votojnë kundër ligjit Covid. Ata që janë të vaksinuar janë në masë të madhe në favor të detyrimit për certifikatë.
Një PO për “Ligjin Covid” duket shumë e mundshme në njëmbëdhjetë ditë. Për herë të dytë këtë vit, popullsia votuese do të kishte mbështetur kursin e koronës të Këshillit Federal në kutinë e votimit.
Megjithatë, Këshilli Federal nuk duket se do të ndihet si një fitues i madh. Sepse, sipas sondazhit, pothuajse 40 për qind e votuesve janë kundër politikës aktuale zvicerane rreth pandemisë.
Duket gjithashtu e mundur që disa kantone në Zvicrën lindore mund t’i thonë jo ligjit Covid dhe rrjedhimishtedhe certifikatës, transmeton albinfo.ch. Kjo ka rrezik të bëhet problem për qeverinë e shtetit më së voni nëse situata vazhdon të përkeqësohet dhe duhet të merren masa më të rrepta nga pikëpamja epidemiologjike.
Periudha kur është realizuar anketa e SRG është: 3 deri më 11 nëntor 2021, margjina e gabimeve: ± 2,8 pikë përqindjeje.
Të ngjashme
Të tjera nga Tematike
E-Diaspora
-
Nju-Jork: Baleti Kombëtar i Kosovës me dy shfaqje Bëhet e ditur se Baleti Kombëtar i Kosovës, do të realizojë edhe një paraqitje tjetër të...
-
Belgjikë: Kori “Siparantum” do të dhuroj paraqitje dinjitoze
-
Çikago: Pianistja Anila Aliu, me koncert recital
-
Sopranoja Elbenita Kajtazi ndan bursa vjetore për studentët shqiptarë të muzikës
-
BQK: Mbi 112 milionë euro i sollën mërgimtarët në Kosovë vetëm gjatë marsit
Jeta në Zvicër
-
Komiteti parlamentar zviceran kërkon 15 milionë CHF për Kampionatin Evropian të Futbollit për Femra 2025 Një komitet i Dhomës së Përfaqësuesve të Zvicrës ka votuar në favor të një propozimi për...
-
Presidenti i SNB-së paralajmëron për goditje të mundshme inflacioni në Zvicër
-
Gjashtë gjëra që duhet të dini për pagat në Zvicër
-
SNB, 58.8 miliardë fitim neto në tremujorin e parë
-
Konsumatorët zviceranë kanë më shumë para, por më pak fuqi blerëse