Tematike
“Korona po përçan Zvicrën”, një OJQ nis fushatën kundër ndarjes
SGG nuk është çfarëdo shoqate. Ajo ka një traditë të vjetër dhe një imazh serioz. Është themeluar në Cyrih në vitin 1810
“Mjaft më me armiqësi, kërcënime, dhunë! Më mirë të jemi konstruktivë sesa agresivë!”. Shoqëria jofitimprurëse zvicerane SGG po promovon kështu fushatën për më shumë tolerancë, respekt dhe dialog.
Në fundjavë, kjo shoqatë ka nisur një fushatë publiciteti, fillimisht në median e shkruar, por edhe atë dixhitale, transmeton albinfo.ch.
SGG nuk është çfarëdo shoqate. Ajo ka një traditë të vjetër dhe një imazh serioz. Është themeluar në Cyrih në vitin 1810 nga miqtë e mjekut të qytetit të Cyrihut Hans Caspar Hirzel (1751-1817), shkruan srf.ch.
Atëbotë ishin takuar 71 anëtarë themelues nga kantonet: Cyrih, St. Gallen, Schaffhausen, Appenzell, Thurgau, Lucern, Zug, Aargau, Bazel, Solothurn, Bernë, Glarus dhe Uri. Rreth dhjetë vjet më vonë, krahas SGG-së, disa kantone themeluan shoqëri të pavarura jofitimprurëse kantonale dhe rajonale të cilat pranonin edhe gratë, përcjell albinfo.ch. Ata themeluan së bashku shoqatën jofitimprurëse zvicerane të grave, në vitin 1888.
SGG është pronar i Rütliwiese, vendit ku para 730 vitesh është arritur marrëveshja mes disa kantoneve për themelimin e asaj që sot quhet Konfederatë Zvicerane.
Më shumë se 2,200 njerëz kanë nënshkruar apelin e SGG deri më tani, duke përfshirë organizatat si Federata Zvicerane e Futbollit. Fuqia përçarëse e masave të Corona është e njohur shumë mirë në futboll, thotë Sekretari i Përgjithshëm, Roger Breiter. Nisur nga kjo, apeli fiton edhe më shumë në peshë.
“Ne mund të identifikohemi në mënyrë perfekte me këtë fushatë sepse jetojmë çdo ditë vlerat e promovuara nga fushata: respekt, tolerancë, `Me njëri tjetrin në vend të pranë njëri tjetrit`. Kjo realizohet te ne, me 280,000 njerëzit tanë aktivë, 50,000 vullnetarë nga 180 vende, njerëz të të gjitha moshave, zviceranë, të huaj, të gjithë së bashku në fushën e futbollit”.
Nuk është rastësi që pandemia dhe masat kanë potencial të madh për ndarje, thotë gjeografi politik, Michael Hermann. “Korona është një çështje shumë politike. Por nuk është vetëm politike. Ajo na prek të gjithëve në jetën e përditshme dhe gjithashtu ndikon në trupin tonë. Është politike dhe personale në të njëjtën kohë”.
Edhe zhvillime dhe votime e referendume të tjera, siç është ai aktual për ligjin Covid, gjenerojnë fuqi shpërthyese politike dhe sociale. Ngjashëm ishte, për shembull debati mbi marrëdhëniet e Zvicrës me Evropën, përcjell albinfo.ch.
Michael Hermann, më tutje thotë “Në radhë të parë, të tillë do ta quaja referendumin për hyrje në BE, i cili u dha formë viteve 1990. Ai pati çuar në një ndarje në Zvicrën frëngjisht-folëse dhe gjermanisht-folëse, pati kontribuar në ngritjen e SVP-së dhe në një riorganizim të peizazhit politik në Zvicër. Por, ai ishte më pak ndikues në familje, në raporte personale, më pak e ngulitur në jetën e përditshme sesa që është tani, debati mbi kovidin”.
Apeli aktual për më shumë tolerancë, dialog dhe respekt , sipas SGG nuk është shprehimisht një slogan votimi për ligjin Covid.
Të ngjashme
Të tjera nga Tematike
E-Diaspora
-
Dënohet kosovari: Ka sjellë ilaçe ilegale për ndërprerjen e shtatzënisë së gruas së tij U ishte thënë se do të duhej të paguanin 800 franga për të realizuar një termin,...
-
Iu keqësua gjendja shëndetësore gjatë fluturimit Zvicër – Kosovë, vdes gruaja kosovare
-
Shqiptari plagos rëndë shqiptarin në Belgjikë
-
Duesseldorf
Welt: Shqiptari dyshohet se vrau pronarin e lokalit në Gjermani shkaku i borxheve të bixhozit
-
Mes një mijë konkurrentëve, shqiptarja fiton çmimin e tretë në finale e madhe të “Sanremo Junior”
Jeta në Zvicër
-
Zvicër: Së shpejti pritet ulje e çmimit të faturave të energjisë elektrike Dimri ishte i lagësht dhe i butë. Përveç kësaj, termocentralet bërthamore zvicerane furnizonin mjaftueshëm energji elektrike....
-
10 muaj burgim me kusht për kosovarin, shantazhoi burrat
-
Inteligjenca artificiale ndihmon në vlerësimin e rrezikut të ortekëve në Zvicër
-
Zviceranët, gjithnjë e më të pasur
-
Më shumë hapësira parkimi elektrik në Gjenevë