Tematike
Edhepse është në valën e pestë, Zvicra ka dukshëm më pak shtrime në spitale
Qeveria Federale dhe ato kantonale po mbështeten në këtë shpërputhje, prandaj deri më tani nuk kanë ashpërsuar masat
Numri i infeksioneve të reja me koronavirus, të raportuara çdo ditë aktualisht po rritet ndjeshëm. Por ajo që bie në sy është se numri i shtrimeve në spital po rritet më pak se në valët e mëparshme të infeksionit, transmeton albinfo.ch.
Këshilli Federal dhe qeveritë kantonale duket se po mbështeten në këtë shpërputhje aktuale në mes të numrit të infeksioneve dhe hospitalizimeve dhe për këtë arsye ato deri më tani kanë hequr dorë nga ashpërsimi i masave të koronës.
Redaktorja shkencore e SRF, Katrin Zöfel shpjegon arsyen e numrit më të vogël të shtrimeve në spitale dhe jep mendimin e saj nëse mund të mbështetenm në këtë zhvillim.
“Gjithmonë ka një vonesë në rritjen e pranimeve në spital në raport me infektimet. Kjo nuk ka ndryshuar, kështu që duhet ende pak kohë përpara se të mund të vlerësohet me të vërtetë se sa e fortë është kjo shpërputhje midis numrit të rasteve dhe pranimeve në spital. Një gjë është e sigurt: raporti i numrit të rasteve me shtrimin në spital është përmirësuar: në 1000 raste me korona tani kemi më pak shtrime në spital por edhe më pak vdekje se një vit më parë.
Një arsye e rëndësishme për këtë është fushata e vaksinimit, përcjell albinfo.ch. Falë vaksinimit, pjesa e popullatës që tani është e mbrojtur (vaksinuar) është mesatarisht e moshës më të re se ajo që ende nuk është e vaksinuar. Për shkak se janë më të rinj, ata janë në rrezik më të ulët të sëmundjes së rëndë edhe nëse infektohen.
Kjo do të thotë gjithashtu se raporti i numrit të rasteve me numrin e shtrimeve në spitale është aktualisht më i mirë.
Por, tani, megjithatë, infeksionet po rriten përsëri, edhe në moshat e shtyra, gjë që do të çojë gjithashtu në më shumë shtrime në spitale, transmeton albinfo.ch. Sa e fortë është kjo rritje, ende e vështirë të vlerësohet.
Në Austri dhe Gjermani, njësitë e kujdesit intensiv janë tashmë të mbingarkuara në disa rajone. A ka ndonjë arsye që kjo të mos ndodhë edhe në Zvicër?
Nuk ka arsye vërtet të besueshme pse zhvillimet në Zvicër duhet të jenë thelbësisht të ndryshme nga ato në vendet e përmendura fqinje. Shumica e faktorëve – mbulimi i vaksinimit, shpërndarja e moshës midis të vaksinuarve, kushtet e motit dhe dominimi i variantit delta – janë të njëjtë ose të ngjashëm”.
Të ngjashme
Të tjera nga Tematike
E-Diaspora
-
Kandidatja për eurodeputete, Kati Schneeberger, hap në Vjenë ekspozitën “Rezistenca paqësore në Kosovë 1990-1998 Kryetarja e shoqatës “Kosovo goes Europe”, Kati Schneeberger do të hapë nesër (2 maj) ekspozitën ...
-
Milano: Rita Petro, ndër të ftuarat e “FjalaFest”
-
Bruksel: Përfaqësuesit e diasporës shqiptare, gati për projektin e shkollës verore “JAM SHQIPTAR”
-
Belgjikë: Arrestohen disa shqiptarë për këto motive
-
Gjermani
Humb jetën tragjikisht mërgimtari në Gjermani
Jeta në Zvicër
-
Zvicër: Votimi i shtrenjtë për ligjin për furnizimin me energji elektrike Deri më tani, mbi pesë milionë franga janë caktuar për votimin intensiv të ligjit për furnizimin...
-
Policia e Thurgau-ut, me apel interesant
-
Zvicër: Tregtia me pakicë rritet vetëm falë produkteve ushqimore
-
Zvicër: Nisma e re për legalizimin e rritjes së kanabisit
-
Gjithnjë e më shumë kompani po testojnë javë katërditore