Lajme
Mbyllet Belgjika pas “Variantit jugafrikan”, në Zvicër ende asnjë rast
Belgjika ka regjistruar rastin e parë me variantin e ri të koronavirusit B.1.1.529, i cili fillimisht u gjet në Afrikën Jugore. Njoftimin e ka bërë ministri belg i Shëndetësisë
Në programin për monitorimin e sekuencës së gjeneve të Zyrës Federale të Shëndetit Publik (BAG9 varianti i ri B.1.1.529, i cili u zbulua për herë të parë në Afrikën Jugore, ende nuk është paraqitur në Zvicër.
Megjithatë, BAG është duke analizuar të dhënat ekzistuese, ka bërë të ditur të premten për agjencinë e lajmeve Keystone-SDA. Për këtë arsye, zyra është në kontakt me të gjithë aktorët brenda dhe jashtë administratës, transmeton albinfo.ch.
Vlerësimi nga Organizata Botërore e Shëndetësisë (OBSH) i variantit të koronavirusit B.1.1.529 dhe rrezikshmëria e tij do të ketë gjithashtu ndikim në veprimet e mëtejshme të Zvicrës, thuhet më tutje në deklaratën e BAG.
Siç është bërë e ditur tashmë, Belgjika ka regjistruar rastin e parë me variantin e ri të koronavirusit B.1.1.529, i cili fillimisht u gjet në Afrikën Jugore. Ministri belg i Shëndetësisë Frank Vandenbroucke e ka bërë të ditur këtë në një konferencë për shtyp të premten.
Kryeministri belg Alexander De Croo ka njoftuar gjithashtu kufizime të udhëtimit për udhëtarët nga vendet në Afrikën Jugore. “Nevojitet kujdes, por jo dhe frikë” është shprehur Vandenbroucke.
Në të njëjtën kohë, Belgjika po rivendos masa më të rrepta. Klubet e natës duhet të mbyllin sërish dyert, përcjell albinfo.ch. Restorantet dhe baret lejohen të jenë të hapura vetëm deri në orën 23:00. “Situata sot është më e keqe se të gjithë skenarët që ekspertët kishin llogaritur për ne”, tha De Croo. Masat e shtrëngimit fillimisht do të zbatohen për tri javët e ardhshme.
Të ngjashme
Të tjera nga Lajme
E-Diaspora
-
Kandidatja për eurodeputete, Kati Schneeberger, hap në Vjenë ekspozitën “Rezistenca paqësore në Kosovë 1990-1998 Kryetarja e shoqatës “Kosovo goes Europe”, Kati Schneeberger do të hapë nesër (2 maj) ekspozitën ...
-
Milano: Rita Petro, ndër të ftuarat e “FjalaFest”
-
Bruksel: Përfaqësuesit e diasporës shqiptare, gati për projektin e shkollës verore “JAM SHQIPTAR”
-
Belgjikë: Arrestohen disa shqiptarë për këto motive
-
Gjermani
Humb jetën tragjikisht mërgimtari në Gjermani
Jeta në Zvicër
-
Zvicër: Votimi i shtrenjtë për ligjin për furnizimin me energji elektrike Deri më tani, mbi pesë milionë franga janë caktuar për votimin intensiv të ligjit për furnizimin...
-
Policia e Thurgau-ut, me apel interesant
-
Zvicër: Tregtia me pakicë rritet vetëm falë produkteve ushqimore
-
Zvicër: Nisma e re për legalizimin e rritjes së kanabisit
-
Gjithnjë e më shumë kompani po testojnë javë katërditore