Lajme
Cyrihu shkurton për 2 javë kohën mes vaksinës së dytë dhe asaj përforcuese
Kantoni i Cyrihut ka njoftuar se do të shkurtojë periudhën e pritjes për përforcuesin për dy javë - në 5.5 muaj pas vaksinimit të dytë
Ndaj njoftimit të Këshillit Federal për shkurtimin e periudhës mes vaksinimit të dytë dhe atij përforcues (të tretë) nga 6 në 4 muaj, kantonet zvicerane kanë reaguar në mënyrë të ndryshme.
Kështu, Kantoni i Cyrihut ka njoftuar se do të shkurtojë periudhën e pritjes për përforcuesin për dy javë – në 5.5 muaj pas vaksinimit të dytë, transmeton albinfo.ch.
Personat të cilëve u lejohet kjo, do të kontaktohen me SMS sapo të mund të rezervojnë një termin vaksinimi. Periudha e pritjes do të shkurtohet në katër muaj javën e ardhshme sapo të jetë i disponueshëm rekomandimi Ekif (Autoriteti Federal për Vaksinim), shkruan srf.ch.
Përveç kësaj, javën e ardhshme, në kanton do të hapen dy qendra të tjera vaksinimi, sipas një komunikate.
Nga ana tjetër, Kantoni i Aargaut pritet të informojë për hapat e ardhshëm më 22 dhjetor 2021 dhe kërkon nga popullata të jetë e duruar. Kantoni ka njoftuar se kapacitetet janë duke u zgjeruar vazhdimisht. Megjithatë, nuk do të mund të ketë termine për të gjithë ata që duan të vaksinohen në të njëjtën kohë.
Deri në një njoftim tjetër, në kantonin Aargau vlen intervali kohor prej 6 muajsh, për sa kohë që rekomandimi i Ekif nuk parashikon ndryshe.
Kantoni i Bernës njoftoi se aktualisht ka mbi 100,000 termine vaksinimi për vaksinën përforcuese. Në këtë kanton janë të përgatitur mirë, qendra e katërt e vaksinimit në kanton do të hapet javën e ardhshme në “Bern Expo”. Megjithatë, Berna është ende në pritje të rekomandimit të Ekifit para se të shkurtohet periudha e pritjes.
Rekomandimin nga Ekif e pret edhe kantoni i St. Gallenit. Për të përballuar kërkesat për vaksinim, është zgjeruar funksionimi i qendrave të ndryshme të vaksinimit, siç njoftohet nga kantoni.
St. Galleni e kishte ulur tashmë periudhën e pritjes nga 6 në 5.5 muaj para se të dilte njoftimi nga Këshilli Federal.
Të ngjashme
Të tjera nga Lajme
E-Diaspora
-
Robin Krasniqi fiton me pikë ndaj portugezit Jorge Silva Boksieri kosovar, Robin (Haxhi) Krasniqi, ka mposhtur portugezin Jorge Silva të shtunën, në meçin e zhvilluar...
-
Sot shfaqet në Cyrih filmi “The Land within”, i regjisorit Fisnik Maxville
-
Edi Rama e konfirmon: Më 12 maj jam në Athinë, nisim rrugëtimin e pranverës në diasporë
-
Kalabri - Itali
Gennaro Gattuso flet për rrënjët e tij në Kalabri
-
Gjermani
Iu dha lamtumira e fundit dje mërgimtarit nga Gjermania që humbi jetën në vendin e punës
Jeta në Zvicër
-
Ja sa janë rritur fitimet e shefave të sigurimeve shëndetësore në Zvicër Që nga viti 2016, kompanitë e sigurimeve shëndetësore janë të detyruara të bëjnë të ditur kompensimin...
-
Sa banorë të huaj bëhen shtetas zviceranë çdo vit?
-
Qindra studentë protestuan para Universitetit të Lozanës
-
Fëmijët të mbahen larg celularëve
-
Sot zviceranët votojnë për ligjin e ri të biçikletave dhe kredinë për shkollën profesionale