Në cilin vend të botës ka më së shumti të burgosur

SHBA ka numrin më të madh të personave të burgosur, si proporcionalisht me numrin e popullatës ashtu edhe me numra absolutë

Në këtë moment, mbi njëmbëdhjetë milionë njerëz janë në burgje në mbarë botën. Por të burgosurit nuk janë të shpërndarë në mënyrë të barabartë në të gjitha vendet.

Kështu, Shtetet e Bashkuara të Amerikës kanë numrin më të madh të personave të burgosur, si proporcionalisht me numrin e popullatës ashtu edhe me numra absolutë, transmeton albinfo.ch. Këtë e tregojnë të dhënat aktuale nga World Prison Brief.

Kështu, në SHBA janë mbi dy milionë njerëz “prapa grilave”.

Në vendin e dytë është Kina me 1.7 milionë të burgosur – të paktën këto janë shifrat zyrtare të cilat, për shembull, nuk përfshijnë personat në paraburgim. Në përgjithësi, numri i rasteve të paraportuara mendohet të jetë dukshëm më i lartë, shkruan watson.ch.

Për nga numri i popullsisë, SHBA pasohet nga shteti afrikan Ruanda, pastaj nga Tajlanda dhe Brazili.

SHBA: 629 të burgosur për 100,000 banorë
Ruanda: 545
Tajlanda: 445
Brazili: 381

Sipas raportit, Zvicra renditet e 171-ta nga të gjitha vendet. Ajo ka aktualisht 6 316 të burgosur sipas të dhënave të 31.1.2021 të BFS (Zyra Federale e Statistikave).

---