BAG njofton për 19,032 raste të reja me Covid në Zvicër

Kjo e vendos mesataren 7-ditore në 11,492 që është 34 për qind më shumë se në javën e kaluar

Ajo që ishte parashikuar për mesin e janarit 2022, fatkeqësisht po ndodh tani! Shifra e infeksioneve të reja në Zvicër po i afrohet 20 mijëshit!

Zyra Federale e Shëndetit Publik raportoi 19,032 raste të reja pasditen e sotme që kishin rezultuar pozitive me koronavirus në 24 orët e fundit.

Kjo e vendos mesataren 7-ditore në 11,492 që është 34 për qind më shumë se në javën e kaluar. Me trendin aktual, mesatarja 7-ditore e infeksioneve të reja dyfishohet afërsisht çdo 17 ditë, shkruan srf.ch. Incidenca 14-ditore aktualisht është 1640.03.

BAG raporton 129 shtrime të reja në spital, ndërsa mesatarja 14-ditore është 92 shtrime në ditë, transmeton albinfo.ch. 1731 persona aktualisht po trajtohen në spitale për Covid-19 që është 4 për qind më shumë se në javën e kaluar.

Aktualisht po marrin trajtim intensiv 325 pacientë me Covid-19 ose 3 për qind më shumë krahasuar me javën e kaluar.

Shtretërit e kujdesit intensiv në spitalet zvicerane (përfshirë shtretërit ad hoc) janë aktualisht të zënë në masën prej 76 për qind. 38 për qind e shtretërve të kujdesit intensiv janë të zënë nga të sëmurët me Covid 19.

BAG raporton 23 raste të reja të vdekjes. Mesatarja 7 ditore është 18 të vdekur në ditë.

---