Paralajmërohet ‘stuhi’ me Omicron-in në SHBA

Të enjten, ekspertët shëndetësorë të SHBA-së u kërkuan amerikanëve të përgatiten për ‘stuhinë’ Omicron në javët e ardhshme.

Paralajmërimi erdhi pasi Shtetet e Bashkuara arritën një rekord të lartë rastesh me COVID-19, ndërsa zyrtarët federalë lëshuan më shumë paralajmërime udhëtimi dhe janë përgatitur që të autorizojnë injektime përforcuese për grupmoshën nga 12-15 gjatë javëve të ardhshme.

Anthony Fauci, zyrtari më i lartë i sëmundjes infektive në vend, të mërkurën tha se rastet ka të ngjarë të rriten gjatë gjithë janarit, një paralajmërim i bërë më herët nga guvernatori i Luizianës, ku shtrimet në spital janë trefishuar në dy javët e fundit.

Për të dytën ditë me radhë, në Shtetet e Bashkuara ka pasur një numër rekord të rasteve të reja të raportuara bazuar në mesataren shtatëditore, me më shumë se 290.000 infeksione të reja të raportuara çdo ditë.